中環在線：郭炳江煮飯騰雞被踢爆曾入廚?女 - 李華華
■愛心大使關詠荷(右)指導下，郭炳江(左二)、馬灣公園諮詢委員會主席鄭慕智(右二)及委員李家祥(左)煮出窩心親子飯。黃賢創攝
聖誕節到，新地主席郭炳江(Thomas)噚日率先做聖誕老人，向基層兒童派發聖誕禮物，宣佈旗下馬灣的挪亞方舟由明年1月至3月，舉行「五餅二魚愛心大行動」盛宴，招待5,000名基層市民，到挪亞方舟吃喝玩樂。
郭炳江噚日更粉墨登場，?愛心大使關詠荷指導下，炮製「窩心親子飯」(雞肉蛋飯)，郭炳江office就入得多，入廚期間當然雞手鴨腳，佢想將?飯倒落鍋跟雞肉蛋一齊炒，差?變?炒飯！
關詠荷就爆料，話主席上次入廚要追溯至後生拍拖時，當時係煮冬菇雞飯𠱁女友。郭炳江就話，𠵱家都有入廚，不過係放工夜返時，先會自己煮碗公仔麵，撈埋?剩餘飯?食！郭生有幾百億身家，唔叫工人煮，認真難得。
兒時患耳疾赴日醫治
玩完煮飯仔，郭炳江仲講故仔畀大家聽。佢話細個時耳仔聽覺唔好，導致讀書有困難，成績唔多好；其後去?日本做手術，前後搞?成九個月醫治。面對逆境，佢就想起聖經話「因為知道患難而忍耐，忍耐生老練，老練生盼望！」令自己明白生活即使再困難，總會有出路。佢提醒大家遇到困難時唔好鑽牛角尖，要從多角度思考。
講起樓價，佢就話大體上唔會大上大落，個別樓盤推出為?早?賣出，或者會減價。新地做生意最緊要貨如輪轉，所以買地政策就跟隨售樓進度而定。
李華華
mailto:LiWaWa@AppleDaily.com
足本收睇《亂?24》x DADA陳靜；跟住有嘉玲姐駕到！
周一至周五《亂?24》約定你：http://bit.ly/appletalk24
上一則: 港燈上市散戶收息好Easy？
下一則: 中環在線：韓妹唔考試邀馬雲夜會 - 李華華
中環在線 - 李華華 舊文
