阿爺出招
2014/1/9 上午 09:41:50
網誌分類: 經濟
阿爺連續出招，內地管理層救市的姿態相當明顯，用保險資金救市，先允許保險資金投資創業板，保監會昨日再出招，推出歷史存量保單投資藍籌股政策，內地歷史存量保單的可供資的準備金規模大約有4000億元，最終將能帶動多少資金投入股市，還要看保險投資人的意願。
內地的所謂歷史存量保單，是指保險公司1999年以前高利率環境下發行的、定價利率較高的人壽保險產品。由於1999年前國壽一公司獨大，有關保險的準備金有3000多億，佔市場份額在80%以上，推算目前整個市場歷史存量高利率保單準備金4000億元以上。
保監會出招放水，而中國證監會近日公開表示，要多管道引導長期資金入市。可以看出管理層也覺得內地股市跌得太過份，要出招救一救。雖然在另一端，內地監管機構對影子銀行監管亦在趨嚴格，有少少“一疏一堵”的味道，不過亦符合“去杠杆”的監管邏輯，將資金引入實體經濟。
昨日內地救市，但A股仍下跌，不過直接受惠的內地創業板指數升幅高達4%，可能是未知歷史存量保單可投資藍籌股政策可以引導多少資金入市。但恒指及H股指數亦大幅上升，可見外資見大陸救市，信心已穩定下來。其實我自己心態亦一樣，港股一開年就跌，而且愈跌愈急，皆因好多持盤人唔知大陸仲要跌幾多，萬一再帶動港股跌多一二千點，唔走咪好笨？所以即使唔沽，亦唔想買當頭跌，但昨日阿爺出招，放出一個訊號，阿爺唔想內地跌太多，咁大家就放心啲啦。
講番美股，踏入2014年，美股連跌三日，上日反彈，但昨日又企唔住，跌番落去。興幸跌幅唔大，杜指跌68點；標普500指數靠穩，平手離場，收報1838點，納指逆市微升12點至4166點。走勢唔係一面倒，反映投資者觀望情緒濃厚，未決定入市定係出市。
聯儲局公開市場季員會公佈12月份議息會議紀要。由於這此會議決定啟動爭議性極大的縮減買債行動。市場最關注的是聯儲局究竟跟據什麼準則造出這樣的決定，從中或可找出聯儲局往後的動向。
睇番會議記錄，聯儲官員普遍認為，債券購買計劃實施已經多年，所能帶來的經濟利益正在逐漸消失，再玩落去，邊際功效的下降，可能對金融穩定性造成風險。睇美國目前的經濟狀況，就業市場改善，經濟增長有所提速，只要經濟發展狀進度配合，估計此前設定的失業率目標(6.5%)，在未來一年可望達標。
不過，會議中有幾名官員指出，就業市場復甦步伐太慢，經濟增長加速的前景並無保證。反映他們對當局決定退市唔係太支持，對退進一步加大退市規模更加有所保留。
市場比較關注的是紀要並未提及退市的時間表，只有少數官員提到，有必要採取一條「更具確定性的道路」。聯儲局將於今個月28日至29日召開今年第一次貨幣政策會議。市場惴測，聯儲局到時將會有更明確的貨幣政策公布。
分析指出投資者對會議紀要的反應唔大，昨日大市反覆偏軟。相信係與美國人力資源公司Automatic Data Processing(ADP)發布的全美私人部門就業報告較有關係。美國12月ADP就業增長23.8萬人遠高過市場預期的20.5萬人，且高過11月的21.5萬人。今個星期五公布的非農就業數據好於預期的機會大增。聯邦投資者公司首席股市策略師奧蘭多(Phil Orlando)認為，就業數據的好轉加大了聯儲局進一步削減QE的可能性。聯儲局收水，唔多唔少都會挑動投資者對市場可能受到衝擊的擔心。從美國10年期債息再度升上接近3厘水平，最新報2.994厘，債券市場投資者似乎又比股市投資者緊張些，急急沽貨走人。
我覺得市場預期美企季度業好過預期，係頂住大市的主因。美企去年第四業績公報潮將於今晚展開。由於美國就業市場明顯改善，非農就業數據連續三個月增加超過20萬人。經濟增長方面，第三季GDP增長終值由2.8%上調到3.6%，上日公布的美國貿易赤字又意外地大幅改善，大摩及柏克萊預計第四GDP增長會有3%，德銀更樂觀，預期會有4%。再加上歐洲經濟近期表現亦有明顯改善。美企去季成績估計唔會差得去邊。投資者對大市就唔敢睇得太淡啦！
陸羽仁
回應(12) 我想回應
陸羽仁 BLOG 舊文
