Prof J財技特訓班：舜宇有力翻炒 - 徐燦傑
■舜宇舊年成為咗三星供應商之一，證明其技術有番咁上下。
科技股喺3月左右同高位Kiss Goodbye後，累跌差唔多三成。不過，揀股最緊要有動力，隻舜宇光學(2382)由上年5月高位11.78元，反覆落到今年最低喺2月時嘅6.1元，差唔多冇咗一半，當時大摩仲將佢嘅評級調低到減持。
技術升呢泊到好碼頭
不過，其後公佈咗2013年嘅業績，又平地一聲雷大升，皆因賺多咗，技術又提升，仲不斷搵嘢搞，泊番個大碼頭。
1.啱啱年尾時買入咗柯尼卡光學(上海)嘅生產設施、機器及軟件，而合約講明可利用母公司Konica Minolta Inc.嘅所有有關許可技術專利同銷售到全世界，好明顯公司要擴大現有產品組合，同提高市佔率。
2.到1月中時又宣佈收購以色列3D圖像處理公司Mantis Vision，其實連Google Map都開始引用3D技術，Prof J都相信呢個係未來嘅趨勢，因為我哋係番唔到轉頭，並廣泛地應用於日常生活中。
3.佢更加將三維體感互動控制器，量產出貨給美國公司Leap Motion Inc.，並實現咗一億元人仔以上銷售。
4.Google之前宣佈搞個Project Tango，就係研發一部加入咗特製嘅視覺處理器和景深感應器嘅智慧手機，等用家記錄時，可feel到當其時周遭環境，相信會係另一個潮流。而呢個project只邀請咗十數個夥伴參與，舜宇係其中一間亞洲上市公司。
當然，技術要有番咁上下，人哋先會搵你做partner，證明舜宇嘅技術已經係一流水平。舊年又成為咗三星供應商之一，iPhone 6又話會第三季推出，相信又啱時候再炒過。
睇番份年報，雖然毛利率下跌，但貿易應收款項及存貨周轉日數改善咗，帶動整個周轉日數顯著縮短，資金回籠快咗；舊年又成功配售(配售價8.06元)同集資咗7億幾，手頭現金充足。
以配售價為期望入市位，跌穿7.88元就忍著淚說Goodbye，一齊徐時出擊！
徐燦傑
中國銀河國際財富管理主管
本欄逢周四刊出
上一則: 青心直說：冇家教的議員 - 胡孟青
下一則: 焯焯有餘 ：A股ETF抵博 - 關焯照
Prof J財技特訓班 - 徐燦傑 舊文
