中環迷你裙：賺盡維穩費之選
■喺阿爺勒令用國貨和國家安全為前提下，軟件股有前景。
英國政府年頭發表一份報告指，若按照現時電腦發展速度，金融交易員職位銳減，某些功能徹底被電腦取代，份報告其實唔使拎畀心知肚明的交易員睇，反而應該拎畀視「商科=有前途」的家長睇，咁讀乜好？駭客又點睇？上周搗破的駭客集團就偷咗8億銀，Samantha當然不是叫大家犯法，網絡犯罪的駭客只佔少數，大部份極其量只是「蠱惑仔」，他們只是帶著熱情和冒險精神去開發系統，偶爾作反，最終目的都是想研發出革命性嘅嘢啫。
美國早前先揼本研發能抵禦駭客攻擊的自動安全系統，再望望強國龐大的網絡維穩部隊，就證明商機處處，金融業和政府正正搶緊呢批人才，記得《Margin Call》嗎？讀火箭先有本錢留得低。國資委講到明，推動更多國有資本投向國家安全等領域，咁大家就更加明白點解阿爺不再公佈維穩費喇！
Samantha相信喺阿爺勒令用國貨和國家安全為前提下，軟件股有前景，防毒軟件龍頭金山軟件(3888)昨日食住上，公佈三款產品獲得全球安全軟件認證機構的移動安全測試報告滿分，該板塊逆市發圍，穩陣的可短炒金山，博補回5月尾遺留下的裂口，細細隻的可揀從事應用軟件產品及解決方案的擎天軟件(1297)，橫行一個月後突破向上，成交亦是兩個半月最多，可納入考慮之列。
Samantha
本欄逢周三、五刊出
識睇一定睇蘋果嘅足動世盃：
http://worldcup2014.appledaily.com/
Samantha
中環迷你裙 - Samantha 舊文
