中環迷你裙：女人睇波三死症
■蔡乃峰(右)任主席的寶勝受惠世界盃舉行，首季業績見起色，可待整固收集。資料圖片
「睇波定我重要啲？」這個萬年不變的問題，在世界盃剛開波第五日，再次引起姊妹討論，要雙贏陪睇波又點睇？
「波牛」T君對呢個提議耍手擰頭，死症有三：問越位、唔投入、冇耐性。
人睇波時你玩手機，「哈？入咗喇？」久未破蛋就燥底問「幾時有波入吖」，有以上症狀者證實與波癮產生抗體，切勿自告奮勇。
女友人睇波不為仔，只是「睇波不賭波，睇來幹甚麼」，Samantha寧揀啲概念股炒，adidas是世界盃的官方用球指定供應商，憑一晚播多次施丹和碧咸的「all in or nothing」廣告就知其揼本程度，再者昨港股成交少，逾800隻股下跌，世界盃梗係搵番啲概念股炒，裕元(551)市值太大，只有美銀美林呢啲券商先可以捧起股價半成咁多，炒adidas概念，梗係要吼裕元附屬的寶勝(3813)。寶勝主力代理銷售國際體育品牌好似Nike及adidas產品，內地直營零售舖及加盟店分別達3,665間及2,263間，隨著全城投入世界盃，業務應更上一層樓，首季業績見起色，轉賺87.4萬元，較上年度的虧損1.32億元大幅改善，毛利率提高2.6個百分點至29.8%，最壞時間已過去，該股月內累升逾五成，14 RSI飆至83，可待整固才吼。按上屆南非世界盃為例，寶勝在世界盃完結後發力，直至年底累升達七成。
Samantha
本欄逢周三、五刊出
識睇一定睇蘋果嘅足動世盃：
http://worldcup2014.appledaily.com/
Samantha
中環迷你裙 - Samantha 舊文
