中環在線：啤酒節周末開鑼盛智文搞新意
蒲老蘭Call的一條龍
■盛智文以印有啤酒樽圖案?黑色T恤宣傳啤酒節，夠曬cool。謝榮耀攝
■兩屆香港拳王將於啤酒節示範泰拳。 世界盃雖然曲終人散，但係呢個周六、日大家繼續有得玩。中環蘭桂坊第11年舉辦音樂啤酒節，「蘭桂坊之父」盛智文冇得做海洋公園主席，就將創意發揮?蘭桂坊，今年首度跟「Call的」App合作，方便醉客打的返歸，唔怕截唔到的士或者上錯車。
醉酒人士唔怕上錯車
盛智文指，舊年啤酒節有15萬人參與，今年去到第11年，啤酒節已經成為一件盛事，佢預計今年參與人數會增加10%至20%。生意額方面，舊年兩日有200萬至300萬元，佢相信今年都會有過百萬元；蘭桂芳協會董事方亮璿補充話，舊年有部份攤位?收入去到十幾廿萬元，今年將有超過70個攤位。
飲完酒，當然要識路同埋安全返屋企喇。盛智文繼續發揮創意兼搞新意思，為推廣劈完酒安全歸家?訊息，今年首度跟「Call的」App「Easy Taxi」合作，呼籲飲?酒?人士用App電召的士，唔使擔心醉駕之餘，又唔怕截唔到的士或者上錯車喎。早排有警察?蘭桂坊放蛇捉到黑的，話唔定呢個App都可以幫手打擊一下。
提到蘭桂坊同人多，自然講起佔中。盛智文保持一貫幽默本色，笑住話，好彩佔中行動唔?呢個周末發生，否則就影響啤酒節?喇。之後佢就認真講，指個人唔希望見到佔中發生，由於佢經歷過好多大型群眾活動，覺得群眾好容易受到影響，唔係每個人都可以做到理性判斷，容易引起混亂，所以令佢對佔中好擔憂。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
