中環迷你裙：做隻上位醫療股
■林君山任主席的普華和順，本周三的6億元大手上板應有後著，投資要睇實免走寶。資料圖片
港股出現狂挾逾500點的破局，幾個鐘內追返?貨，覺得自己似極案頭那塊blu tack，伸縮力超強！如意算盤是集各板塊儲齊一套，有幾個板塊特別難搞，好似內房咁，花多眼亂，除了龍頭和負債特別高的，其他好似係韓妹咁，唔識分，對股民來說倒無所謂，可憐部份長期炒唔起打曬入冷宮，醫療股情況類似，除非老字號，要講得出邊隻做邊瓣有難度，有幾多個有勇氣?唔知隻股做邊瓣前?掣？故要做隻靚股，其實同娛圈一樣，都是要紅！
要紅有好多方法，在升幅榜外就是有賣點，從事醫療器械的普華和順(1358)具新星的潛力，第一，業績夠靚仔，純利升68%至8,408萬元(人民幣．下同)，輸液器和骨科植入物業務位列全國三甲，毛利率達六至七成；門面夠煞食，內涵亦有，普華獲得50項專利，包括25項輸液器專利，25項骨科植入物專利及34項新專利申請。
普華8月份收購北京天新福，著名產品有人工硬腦膜，它可令損傷組織的修復和功能重建，天新福2013年收入1.51億元，呢?用?神經外科的再生生物物料，毛利率更為可觀，八億元的收購價相信能連本帶利奉還。該股走勢不弱，昨日準備創出上市新高，周三的6億港元大手上板應該有後續，Samantha傾向樂觀，下半年相信係普華的show time！
Samantha
https://www.facebook.com/stocksamantha
本欄逢周三、五刊出
Samantha
中環迷你裙 - Samantha 舊文
