魚樂無窮：蘋果概念股勿忘百富
■百富環球上月初宣佈，其NFC電子支付終端，可支援Apple Pay。
港股成交僅500億銀，繼續奀豬，買賣兩閒，戰友大呼無癮。拉鋸局面幾時完結？大市短期要突破，非靠滬港通消息及下周儲局議息結果不可。不過，港股由高位累跌2,000點，散戶元氣縱未算大傷，都要一段時間休養，可以預期，就算有方向，成交都未必配合。
食正Apple Pay頭啖湯
蘋果公佈最新業績，全年盈利爆曬錶，但只反映部份iPhone6銷售數字，未來肯定更上一層樓，難怪股價三扒兩撥重上100美元大關，與歷史高位近在咫尺。唔好忘記，蘋果?緊仲有一件秘密武器--Apple Watch，預計明年初登場，再配合Apple Pay付款系統，肯定令消費市場有翻天覆地轉變。
咁本港上市有乜概念股？支付股百富環球(327)肯定係首選，公司上月初宣佈，其NFC電子支付終端，可支援Apple Pay。嘩！食正頭啖湯是也。iPhone6及6 Plus齋計首周已賣出1,000萬部，以iPhone5s?經驗睇，3,000萬部應該冇走雞，假設一半人用Apple Watch，而每人每年平均消費1萬蚊，講緊?金額係1,500億銀！假設百富分到1%即15億銀，係最新中期業績收入?1.5倍，不得了！
百富自身亦唔失禮，一早泊住銀聯大碼頭，中期盈利爆升1.2倍，市盈率預計去番20倍樓下，早前大股東減持，正好為長時間超買壓力紓紓壓，噚日冇消息下炒高7%，話唔定係新升浪開始，要密切留意！
唐牛
https://www.facebook.com/tongcow88
唐牛
魚樂無窮 - 唐牛 舊文
