情陷夜中環：寶值
■課程有價，單詞有價，但夢想無價。資料圖片
甚麼是教育？到底如何提升教學質素？究竟怎樣激發學習能力？有關教育的問題，問我，是問道於盲。但在金融市場裏，我可以告訴你，教育是近期的hot sector。稱得上是hot sector，即代表教育行業的賺錢能力越來越強。用教育來賺錢，聽起來好像是跟「有教無類」四個字對著幹。難道這個世界已經變成是有錢有教育，冇錢就冇教育嗎？其實，的確如此。或者應該咁講：有錢就有好?教育，冇錢?話，睇你好唔好彩。有教無類，從來都只是騙人騙己的口號。
金融人膚淺，但膚淺的人有膚淺的好，因為膚淺的人想法實際。如果你問我，點樣可以改善教育質素，一個字：錢。如果把教育看成一盤生意，簡單四個字：財散人聚，即是肯使錢就自然聚到人才，而只要聚到人才，就自然會有好的結果。舉個例，假若你同我講，?家走去教書，10萬元一個月底薪，然後收到一個學生再拆多1,000元，你估葉朗程做唔做？如果我做得來，老虎都做。同樣道理，如果你同班哈佛畢業生講，做Goldman Sachs搵兩萬元一個月，做教師搵八萬八元一個月，你估佢?揀邊樣？冇人會同錢作對，尤其是自命不凡的所謂天之驕子。
同補習社鬥靠精不靠大
回歸現實，what is the picture？讀到書?話，你會揀做醫生、律師、銀行家、建築師、政府AO、會計師、牙醫、各大藍籌企業的management trainee，排到第128都未必排到教師。我絕對唔敢話做教師?就唔係人才，但通常自以為人才的人，都唔會走去做教師。點解會咁？為人師表，唔夠偉大咩？說出來不夠高尚嗎？俗世眼光，梗係唔夠高尚，拜金主義社會，仲有邊個會識得乜?係桃李滿門？好多人淨係知邊度係君臨天下同凱旋門。那當然，多得現代教育創辦人Ken Sir和一班補習天王，我們知道原來桃李滿門是可以換凱旋門的。但自從教育局把中學公開試由兩個變一個之後，補習天王這個神話已經破滅一半，你在現代教育的年報可清楚看到改制前後，為他們收入帶來的驚人影響。既然補習天王的神話不再，現在的教育行業又如何是賺錢的hot sector呢？
約兩年前，我認識一位當時才29歲的朋友，就叫他做Samuel吧。三十未夠，開超級跑車，穿名牌西裝，吃盡山珍海錯。十年前，Samuel大學畢業，做了兩年的市場推廣工作，後來嫌人工低，自己走出來開補習社，希望有朝一天可以跟那些大型補習社平起平坐。雄心壯志的他，問朋友和銀行借來數十萬元，然後開業後第一個月蝕兩萬元，第二個月蝕四萬元，第三個月八萬元。數十萬元的資本，敵不過瘋狂租金，半年玩完。Samuel沒有放棄，痛定思痛，繼續從事教育，做教育銷售員，站在最前戰線，了解市場需要。至於甚麼是「教育銷售員」，為尊重當事人，這裏不宜說得太白。
浸淫未夠一年，Samuel已經領略到做教育行業的大道理：要做得大，就不能做得平(cheap)。那時候，補習行業是三國鼎立的時代，現代、英皇、遵理。「邊有得同佢?鬥？你就算有十個好老師又點？人?有包裝，拍個巴士廣告都有髮型師set頭；人?有網絡，全香港十幾間分店；人?有資源，同你鬥平，上十堂送十堂，你邊夠人玩？」身為門外漢，我不明白，既然「平」都冇人搵你，貴又點會有客？「所以?香港做教育，唔可以做補習社。人?係大石頭，你係雞蛋，輸梗。改變唔到人?係「大」呢個事實，都唔代表你一定要做雞蛋。既然要以細撼大，就一定唔可以做雞蛋，要做鑽石。細細粒，但勝在矜貴、堅固，要脫穎而出，就要玩另一個market。」
?家諗番起，當然明佢講乜，但當時真係越聽越lost，教育就是教育，為何又有另一個market？明?唔明??感覺，有?似《食神》齣戲裏面?幾個鄉下佬。周星馳同幾個鄉下佬講話做瀨尿牛丸會做到上市，鄉下佬回應說：「其實我唔係好明?，但聽落真係好似幾有計喎。」做教育唔做補習社，又可以做?乜？「補習社做唔住，其中一個原因係補習社賺?係學生錢。補一個月一科，頂多五百蚊，就算?你度補曬三科(我估佢係講中英數)都係千五蚊，要收幾多個學生先夠畀燈油火蠟？做我?呢行，唔可以賺學生錢，要賺家長錢，因為某程度上，家長比學生更無知。」
教育淘金術向家長埋手
家長易?，尤其是幼兒的家長更易?。給家長推銷教育，不是要給他們知道你的課程有幾多節課、你的電腦遊戲可以教幾多個單詞；你要給他們的，是遙遠而繽紛的夢。幼兒階段，小孩還未「成形」，你睇唔到佢將來有幾蠢，你估唔到佢以後可以有幾懶。幼兒家長眼中，睡在懷內的小寶寶都是愛因斯坦和莎士比亞。課程有價，單詞有價，但夢想無價。「本來是無價的夢想，現在也只是賣十萬九千七，媽媽，係唔係抵到爛？你畀AE定Visa？」
內地有很多教育機構做得有聲有色，其中有家叫楓葉教育的，更很快會在香港上市，而Samuel的公司離此路亦不遠矣。每家準備上市的公司，生意要做得好之餘，在招股書上也必定要放個動聽的故事，要夠爆、夠搶、夠響，才能吸引投資者「入飛」。「全香港有六十萬個小朋友，即是有六十萬對無知父母，如果有半成父母肯畀十萬九千七出?作育英才，已經是33億元的生意，所以我們把每股定價在最高上限，仍然合理和吸引。」
Samuel有很大機會成為我的客戶，所以我最近也努力地研究有關教育的書籍。有位教育家說了一個比喻，值得分享。「教小朋友和減肥一樣：你肯減肥，唔代表你一定會瘦；正如你肯教小朋友，唔代表佢一定學到?。有個老師?某個課室講緊書，係唔係代表?個課室裏面?學生一定學緊?？」一個好的老師，不是要teach，而是要make you want to learn。
葉朗程
葉朗程
情陷夜中環 - 葉朗程 舊文
