異動空間：減息炒股方程式
滬港通死寂之際，大陸減息救市，夜期喪挾近500點，今日如何部署？先分析大方向：樂觀派認為，減息周期展開，加埋明年A股入MSCI、國企改革，呢次仲唔中港股大牛市？對家就會諗，阿爺一路好有信心微刺激、定向投放搞得掂，今次減息，肯定係經濟好差，有大鑊?就爆！
無論你點睇，經濟放緩係事實，點都要救。如今救市憧憬重燃，淡友點都忌三分，生怕隨時又被挾，短線好友借阿爺反攻，基金年尾要追數，也不會放過這個黃金機會，睇升贏面較高。方向明確就要搵?炒。減息目的係降低企業借貸成本，最受惠梗係債重企業，內房、資源股係穩膽，資金追貨必先搵龍頭，再掃二三線股。散戶一般賭本不多，建議兩板塊各買一隻就算，不用太花心。
畀?貼士大家點揀，除?睇負債率，也要從基金及圖表角度出發。基金大戶多數買中大型股，太細市值唔買得，最多水尾先炒佢。另外，近排沽空率高較好，平倉盤有助增強動力。圖表是否夠殘，並出現背馳訊號？根據上述準則，上周掘到隻安東油田(3337)，兩日升四成。想知魏力有乜心水，就要留意fb即市推介。
魏力
http://www.facebook.com/2012jason
魏力
異動空間 - 魏力 舊文
