異動空間：內房黑馬要吼實
阿爺減息放水，中港股市進入資金氾濫大時代，港股單日1,200億銀，破曬今年紀錄。A股更狂野，滬綜指2400上到2800點，唔使兩星期，滬深加埋成交近1萬億人仔，睇埋走勢圖，直情係井噴式向上！不過大戶散戶入曬場，背靠背、面貼面，萬一戲院火燭，真係會踩死人，但點都要走幾次火警，等大家唔信個市會跌，個市先會真正玩完，目前暫未到呢個時候。
過去八個交易日，港股成交四度破千億元，港交所(388)有條件挾上180蚊。牛熊證街貨仲係五五波，睇?要下周先見方向，但淡友唔信邪狂沽空，家陣要賭方向的話，魏力會傾向睇後市再上，特別係H指。
中資金融股回氣，下一輪炒內房機會大，黑馬億達中國(3639)要吼實。6月招購認購不足，貨源盡入強手，首十家證券行?99.4%，街貨應得幾千萬。值得留意，10月底開始成交開始轉活，每日雖係幾百萬貨仔，但反映莊家靜極思動，股價近兩日現突破，有機係大龍鳳開始！業務主要在大連，以營運商務產業園為主，11月當地政府公佈有意建立自貿區，9月又取消限購，政策均利好億達。
魏力
http://www.facebook.com/2012jason
魏力
異動空間 - 魏力 舊文
