異動空間：九個月輸九成九
悶市一日，下午魏力睇單新聞，講紐約有個對沖基金經理，九個月內將一億美元客戶資金輸剩廿萬，蝕足九成九，但只換來一句：「truly sorry。」客戶將血汗錢交畀專才打理，結果慘過自己落場炒，基金經理Owen解釋，係因為賭股票期權捉錯邊。
睇到呢到，相信戰友都有個疑問：「又話投資專家，連止蝕都唔識！」基金經理炒嘅係街外錢，輸咗唔肉痛，梗係瞓身賭到盡，博中咗表現費就和味了；就算中伏人工照出，基本上封咗蝕本門。
止蝕本身已經唔易，小弟初出茅廬時抱住超級老散唔怕死、仲想一朝發達心態，聽消息瞓身買隻莊家股，轉頭就插到儍，但因信念太強（戇居）又唔識睇圖（冇知識），跌兩成又唔捨得止蝕（零紀律），結果五皮輸剩幾千。當然醒目、識睇圖、有紀律，唔保證會發達，但炒股係以年計嘅長期作戰，能笑到最後的人往往不在乎做對幾多，而係一路上做錯幾少，doing nothing is doing something。
今日不作推介，但可留意威勝集團（3393），亂市中仍維持亮麗走勢，相當難得。
魏力
http://www.facebook.com/2012jason
魏力
異動空間 - 魏力 舊文
