魚樂無窮：尋找最有錢途半新股
■楓葉教育正營造雙底，大股東任書良（中）早前以2.22元增持，值得看好。 資料圖片
港股挾淡倉挾到你唔信，熊證重倉區24400至24800點全部打靶，下一個重倉區去到25000點樓上。
執筆之時未希臘大選結果，但美股上周五率先回吐，要破關唔係易事，加上強勢藍籌已經去到好盡，中移動（941）已經一百蚊樓上，騰訊（700）又疑似造雙頂，短線指數唞唞都好正常。
指數股回氣，焦點又回到個股身上，近期有乜概念好炒？半新股肯定係其中一員，泰加保險（6161）喪升一倍，佐力小貸（6866）同高鵬礦業（2212）亦漲三至四成，其餘未發力嘅半新股，遲早獲資金青睞，今日推介嘅楓葉教育（1317），爆升潛力達十粒星。
楓葉教育招股時反應熱烈，但現價竟較招股價低近三成，作為首隻國際學校概念股，如此表現難讓人收貨。炒半新股，供求乃主要關鍵，楓葉錄得超購一百九十四倍，一手中籤率達五成，四個字總結︰手貨散曬。
上月中港股急插，楓葉借勢回吐，相信止蝕者不在少數，變相造就大戶收貨，街貨落入強者手，貨源歸邊，要舞上都份外得心應手。
從圖表出發，楓葉正營造雙底，一旦出現技術突破，爆發力可以好驚人，大股東早前以2.22元增持，較現價高近一成，值博率有幾高？唔使講得咁白啦！
唐牛
https://www.facebook.com/tongcow88
唐牛
魚樂無窮 - 唐牛 舊文
