異動空間：熄報價機練坐功
外圍風高浪急，A股欲罷不能，中外資金角力下，chok出一個林𥧌市。兩大巨人瞓身肉搏，作為場內的魚毛梗係企埋一邊，等分出勝負先加注撲入去。本身買落一堆貨的話，目前是考驗坐功時候，成日望報價機，恐懼隨時蓋過理智，好易震走曬啲貨。
A股大牛市當前，但不少戰友都話個市惡炒，何解？炒開港股嗰套武功面對A股根本唔管用，睇滬綜指幅圖，RSI明顯出現三頂背馳，好正路係沽貨，但A股散戶圖都唔睇，一跌就掃，一炒就漲停，RSI95以上都仲升，可說活生生打死圖表派。炒H股仲大鑊，同時面對中外資金，完全無所適從。近月炒市不炒股，細價股專家更是股災連連，難以感受牛市的喜悅。所以買定離手，少做少錯，才有望乘風破浪，有所斬獲。
上周日魏力在蘋果「投資導航」作首季推介，12蚊樓下叫買中國飛機租賃（1848），暫時賬面回報6%，睇圖現破頂之勢，未買可候12蚊入貨，首季目標17蚊。另航油價格大跌，中海發展（1138）經營成本顯著下降，加上行業復蘇、運費回升，股價有望突破三年橫行，全速起航！
魏力
http://www.facebook.com/2012jason
魏力
異動空間 - 魏力 舊文
