異動空間：互太呈強有玄機
農曆新年仍有一周才到，但中港股市猶如放緊假，焦點主題欠奉，買賣兩閒，氣氛沉悶。市場冇方向，熱錢流返去殼股、創業板搵食，其中一隻可留意為禦藥堂（8185）。前年十月全配售掛牌，起標價1.07元，除首日挾上近三蚊之外，基本上冇炒過，甚具喪炒一轉派發的條件。
禦藥堂上周發盈喜，預告首三季業績虧轉盈，股價由1.8元水平砌上，剛創出一年新高，升勢澎湃，短炒動力充沛。但留意9 RSI已飆至91水平，有權先來個調整再上，保守建議落番2.1元附近先上車，終點隨時三蚊樓上。
內地通脹低企，原材料成本顯著下降，對紡織業有利，為Uniqlo等大品牌生產服裝的互太紡織（1382），股價近期逆市炒上，有玄機！日圓貶值惠及銷售，Uniqlo母公司迅銷（6828）最新一季盈利急升六成，互太應不愁定單，加上原材料減價，有利推高毛利率，管理層上月已明言，下半年業績有望好轉，勢帶動股價突破。此外，越南工廠已在建設中，首期預計七月投產，三期全部建成後，互太產能料將增近一倍，前景睇高一線。
魏力
http://www.facebook.com/2012jason
魏力
異動空間 - 魏力 舊文
