中環在線：細劉公子是6呎型男
筍盤王曾做賓架
■劉今晨現在美國生活。 
要講城中富二、三代嘅有型、靚仔筍盤，會德豐（020）大股東吳光正位公子吳宗權向來數一數二，但其實佢都有對手，利福國際（1212）老闆劉鑾鴻（細劉）位公子劉今
晨原來型仔到不得了，身高接近六呎兼且黑黑實實，酷似幾位男藝人。
■劉鑾鴻 據了解，劉今晨今年只得26歲，自細喺外國讀書，英文肯定叻過中文，佢2011年畢業於美國哥倫比亞大學，修讀藝術歷史；佢畢業之後曾經返港工作，喺摩根大通做過大約兩年投行賓架，2013年又飛返去美國進修，目前仍然喺美國生活。
■劉今蟾現時已加入利福幫手。 於摩通由低做起
佢最近之所以回港，主要因為祖母劉葉淑婉本月16日因病辭世，享年94歲，佢於是回港奔喪，聞說佢之後會返回美國。
跟劉今晨共事過嘅人都對佢讚不絕口，指佢好有家教，唔會因為自己家境富裕而寸寸貢或者唔做嘢，由於佢一畢業就加入摩通，當然乜都唔識，所以入到摩通都係由低學起，佢都十分勤力，冇話呢樣嗰樣唔滿意，總之唔似少爺仔。
佢亦都貫徹阿爸細劉嘅低調作風，近日奔喪先至曝光，原來佢係咁鬼有型靚仔，皮膚黑黑實實似藝人古天樂，估計佢一定成日玩戶外活動，外表俊朗又似鄭嘉穎，肯定吸引好多女性朋友埋身喇。
細劉旗下利福國際主要經營崇光百貨，聞說，佢長女劉今蟾已經加入利福幫手，唔知劉今晨幾時讀完書，又會唔會返港加入利福，準備繼承父業呢？係嘅話，財經版就養眼多了。
【型！】劉今晨（26歲/學生）
利福市值：245億元
首個學位：美國哥倫比亞大學藝術歷史
父親：劉鑾鴻
富二三代筍盤買少見少
本地家族企業近年陸續有二、三代加入公司學接棒，唔少一早成家立室，增添幾分成熟穩重感，未結婚嘅筍盤確係買少見少！
■吳宗權 【陽光型】吳宗權（37歲）
職銜：會德豐主席
公司市值：874億元
首個學位：美國普林斯頓大學建築
父親：吳光正
■郭基煇 【乖巧型】郭基煇（32歲）
職銜：新地執董
公司市值：3,675億元
首個學位：美國史丹福大學管理科學及工程
父親：郭炳江
■黃永龍 【可愛型】黃永龍（27歲）
職銜：信置主席行政助理
公司市值：810億元
首個學位：美國哥倫比亞大學歷史
父親：黃志祥
■胡文新 【斯文型】胡文新（42歲）
職銜：合和董事總經理
公司市值：261億元
首個學位：美國普林斯頓大學機械及航天工程科學
父親：胡應湘
李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文
