女神tea time：仙股界投機恩物
■坪山能夠同中信合作，證明公司人脈唔錯；圖為集團主席蔡振榮。 資料圖片
《大時代》一重播，各大娛樂版唔怕old news is so exciting，不停重溫。由劇情到演技，人人有讚冇彈。喺一面倒正評背後，其實就曲線地一面倒踩緊
TVB（511），廿幾年來都拍唔出一部有能力超越《大時代》嘅劇集。
呢幾日喺細價股尋寶，是日推介坪山茶業（364）。首先，唔好以為呢隻茶業少嘢，上年拍到中信呢個國企大碼頭。公司上年聯同中信信託等公司成立合營，喺安徽經營茶葉種植。中信呢類國企搵partner，係唔會亂咁嚟，證明坪山人脈上有料到。
另外，公司積極重組業務，最新喺今年3月以3億人仔收購廈門茶葉包裝及茶樹業務；又拋棄過去，上年7月以2.16億賣走紡織業務。好明顯係等公司執整齊家當後，喺茶業大展拳腳。上年底更公佈投資中韓健康產業私募基金，突顯公司野心。值得一提係，公司上年勁撇商譽，似有轉手注資痕跡。中信同佢關係良好，你唔怪得我會聯想到兩者有更深度合作嘅可能㗎呢。
目前仍「位列仙班」嘅股份真係寥寥無幾，坪山仲要有好partner，絕對有機會跑出。公司前年及上年，曾批過三次股，配售價介乎0.15至0.177元，噚日收市都係0.089元，毫子股都未做到，仲平過配股價，好明顯現價仍然好抵！股價近日有明顯突破，下一步上望上次配售價，即係0.15元。
Fifi
http://www.facebook.com/lovefrystock
本欄逢周二、四刊出
Fifi
女神tea time - Fifi 舊文
