【文亮言】見證細價新樓愈賣愈平（湯文亮）
我較早前寫過一篇文章，講新樓將愈賣愈平，雖然有幾份報紙轉載這篇文章，但亦有不少人不同意，他們認為在二手細價樓屢創新高之下，新樓只會愈賣愈貴，怎會愈賣愈平，而且，那些一Q清袋的新樓盤貨尾，通常都會加價3-5%，而且又立刻賣得出，在這個情況下，新樓盤
怎會愈賣愈平，我無言以對，只能以別人問細價 樓點解仲未爆煲的答案來答覆他們，睇耐些少便可以見到真相，至於點解有咁多人肯以創新高價來買二手細價樓，我又唔知道點解，或者買那些創新高細價樓的人認 為樓價是高處未算高，但我認為是高處不勝寒，投資物業，小心一點比較好。
地產商賣樓在一Q清袋之後，有一些人可能會放棄買樓機會， 但在過去幾個發售的新樓盤中見到為數並不多，地產商會立刻將售價嘜高了幾個%，而且叫物業代理積極出貨，當時，向隅客仍然非高之多，要賣走那些單位一點也 不難，但如果地產商再部署重鎚，準備再次發售該新樓盤的其他單位，做法就不會一樣，就算不減價，最多都是原價加推，因為，就算加3-5%，都很有可能將購 買力趕走，原價加推就不同，購買力仍在，地產商較有把握再次一Q清袋。所以，新樓盤發售，只會越賣越平，最大原因就是地產商現時心態就是積極出貨，不希望 有貨尾出現，大家可以慢慢揀。
同區如果有其他地產商稍後推出新樓盤，按正常情況下，較遲推出新樓盤的地產商一定會比較前開新盤的地 產商開價更加克己。否則，不但不會一Q清袋，還會替較前開新樓盤的地產商做促銷。所以，新樓盤越賣越平將會形成一種趨勢。我不時對有心上車的準買家說，現 在何需要以創新高價買二手細價樓，不如買新樓盤，雖然有很多人爭，要抽籤，但影響不大，一次抽不中可以寄望下一次，而且，一次比一次平，愈遲抽到就愈著 數。由現在到明年底，每個月都會有幾個新樓盤發售，毋需擔心抽唔到，如果真的抽唔到，都不需要擔心，到那時候，二手細價樓早已出現一個明顯跌幅，所以，慢 慢買樓都未遲。因為，新樓愈賣愈平，二手樓必然有影響，有意買樓又可必太心急，記著財不入急門，債務才會入急門。
文亮言 - 湯文亮 舊文
