金手指：點炒希臘危機
■希臘債務危機升級，再次已成為國際金融焦點。 資料圖片
希臘，悲劇。基本上錢已經輸咗，老早似焚化爐般燒成灰。咁問題係乜？就係邊個硬食，邊個要埋單。幾年前若希臘選擇當時爆煲唔還，之後首先當然就係希臘政府本身要收資平衡，因為肯定借唔到新錢。不過，最傷係啲債主。而若幾
年前啲債主就係各大歐洲銀行，亦所以點解當時唔畀希臘爆。但喺呢幾年，歐央行不斷叫啲銀行轉倉，又因啲銀行本身資不抵債，唔可以唔聽話，歐央行話：「各位銀行揸住自己國家啲國債，就可以做抵押品來我哋度借錢。」所以個個銀行咁做。
擠提與否成焦點
一旦啲國債唔還，歐央行就可以即刻搶曬喺銀行裏面啲存款。呢個，我真係唔明。因歐央行借錢畀銀行，存戶又借錢畀啲銀行，點解歐央行可以行先，真係令我唔明。點都好而家希臘政府真係唔還錢，即係歐央行有權立刻充公所有希臘銀行系裏面嘅存款。希臘國民若無老早攞錢出來，好大機會幾日後一個仙存款無得剩。多唔使講，希臘電廠連買煤現金都無埋，點發電呢？呢招就係歐央行諗出來，去逼鐵索連舟，等你政府若爆煲，就會大大鑊咁要全國焚毀，去逼你政府唔爆煲。
所以，今年初好多人都琜頭，點解德國同歐盟逼得希臘咁緊。因為逼得太緊，當時和理非非派嘅總理就會喺大選輸。而民調數據個個都有，如果和理非非輸，就會選出而家呢班馬克思主義「反枱」派。其實，孫柏文係信德國已經厭倦𠱁小朋友式改革。今次係一次大規模嘅社會實驗，就係若一個「反枱」嘅國家，可以炸到返石器時代，就可殺希臘警「豬」。
點都好歐央行快啲印鈔啦。因不論希臘、香港，只要存戶知道啲錢會被充公，都會攞錢走，意大利、葡萄牙、西班牙等地嘅人會否爆擠提潮？呢個就係下一步要睇實的事。唯一方法就係多多錢都借住畀嗰啲銀行先。如無意外喺未來幾日意、葡、西冇擠提潮，又有新印鈔，大市就會大反彈。有買就贏錢。天佑希臘人。
孫柏文
獨立股評人
http://facebook.com/shuen
本欄逢周二刊出
孫柏文
金手指 - 孫柏文 舊文
