異動空間：耿耿於懷大時代
呢個悶市不少戰友已熄咗機，去睇書怡情、作歌遣懷，「市，最近還好嗎，仲有冇蟹貨未打靶？」話明蟹貨當然希望返家鄉才沽喇（不知要等多久），同埋要確定大時代仍然存在。搬番德國股神科斯托蘭尼的名句出來：資金+信心=升市，家陣兩樣都冇，升市從何談起？「期望二萬六太耐，底
已一穿不回來，兩萬四冇乘載，到股災不自在……」睇張圖恒指牛熊線24962阻力已極大，昨日突襲不成，即被暴力壓落24500收市，屬沽貨造淡訊號。跟車太貼、早上見升追貨的話已中伏，就係魏力所講，陰乾市手多者易招損的原因。
「我，有時仍很怕，害怕有貨會成輸家，博彈，若然亦陷落，再去溝有害嗎？」輸錢一定是輸家？視乎你點睇。有些人輸錢只知搵人去賴，總之責任不在自己，你咁諗會令自己輸一世。落得場總要交學費，但若輸錢後懂得承擔責任，研究番衰乜、諗漏咗啲乜，你贏的是寶貴經驗，日後可幫你贏番一百幾十倍學費。畀番credit，呢篇歌詞於高登找到，作得到肉又啱音，值得一讚！最後一提，H指成份股海油服務（2883）昨日亦已失守上次股災低位。
魏力
http://www.facebook.com/2012jason
魏力
異動空間 - 魏力 舊文
