異動空間：見底應該點樣睇
中資班資回朝救市（或者自救），瘋狂將手上港股割價清倉，上季炒得最癲的股票，如今已滿目瘡痍，隨便㩒個冧巴，9 RSI都跌到20樓下，肯定係超賣，但大陸人家陣擺明要錢唔要貨，撈貨就真係為國接盤了，只宜熄機遠離股市。強烈建議平日高呼愛國的親中團體，拿出真金白銀及誠意
暴力掃貨，為祖國資本市場平穩健康發展作出貢獻。
不少戰友inbox問道：究竟點先知道個市見底未？簡單講，見底前就是市況最恐怖的一刻，舉個例：指數每隔兩三分鐘就跌100點，個股則出現絕望式斬倉盤、不問價掟貨，好似呢刻唔走，就以後都冇機會咁，代表投資者已極度恐慌了，屆時就可視為見底訊號了。當然，如當時成手蟹貨，就算有錢都未必有勇氣逆市掃貨，更可能嚇到不問價跟隊沽。魏力經驗是，能夠臨危不亂作出理性決定，關鍵在於嚴守15%止蝕原則，在跌浪初段已大幅減持，甚或清倉抽身離場，方可冷靜睇市兼有錢低位掃貨。
個股方面，泰淩（1011）發盈喜，但去年僅賺230萬人仔，多賺14倍亦不足4,000萬，加上市況疲弱，小心成為好消息出貨對象。
魏力
http://www.facebook.com/2012jason
魏力
異動空間 - 魏力 舊文
