異動空間：
反彈市快過打針
大戶做嘢既快且狠，一日高開600幾點，第二日再裂口500幾點，反彈完成，唔少戰友（包括魏力）還在觀察，未趕得切做反應個市已倒水，沽壓之大可見一斑。蘋果引述基金經理話，股災令近日基金贖回大增，不少基金月底前都要焗斬沽貨套現，以致市況弱不禁風。上周五文章中，魏
力已指港股或回試21000水平，造個雙底再展開反彈，這情況可能性越來越高，故買貨可繼續嘆慢板，如跌穿上周低位20865，大可反手追沽。
另阿爺呢頭講完不幹預股市，轉頭又去掃貨，果然基於面子問題，9月3日閱兵前個市點都唔死得。但外資睇業績做人，唔掂一於照沽，工行（1398）純利只微升0.6%，中行（3988）僅增1.1%，拖累內銀午後全線插水。面數睇隻隻息率都高過PE，好似好抵買，但淨息差收窄，不良負債比率上升，如今年零增長或倒退，真實PE就會比面數高好多。銀行為百業之母，反映中國經濟隨時大幅放緩，甚至已陷衰退，隨時成為超賣反彈後，中港股市向下尋底的主因。與其貪內銀的假高息，不如考慮公用股港燈（2638），6.8厘息，穩定增長。
魏力
http://www.facebook.com/2012jason
魏力
異動空間 - 魏力 舊文
