百貨公司的末日
2015/11/12 08:58:37
網誌分類: 經濟
美國週三沒有重要經濟資料公佈，梅西百貨(Macy’s)是唯一一家公佈財報的大型美美企。梅西百貨第三季利潤好過市場預期，但生意額就較季跌5.2%至58.7億美元，差過市場預期的60.9億美元。梅西百貨昨日
大跌14%，係表現最差?標普500指數成份股，打擊市場氣氛，不過，美股昨日跌幅有限，三大指數微跌0.3%。杜指跌56點，收報17702點；標普500指數跌16點，收報2075點；納指跌7點至5067點。
梅西百貨生意唔得，市場已經預咗，而交出來?出業績表其實唔係差得咁離譜，起碼利潤都好過預期，但股價就跌得好誇張，令到股價與今年七月中的高位的跌幅擴大至44.5%！有CNBC分析員解釋，梅西百貨生意唔好，除了今年?冬天天氣比較暖，令到大批禦寒衣物同過冬用品賣唔出，存貨太多，梅西百貨將要減價清倉，估計第四季業績都唔會好到邊到。不過，關鍵仲係消費者的購物習慣，已經改變了，而且不是慢慢改變，而是閃電般改變。主要係消費者已經不再好似以前咁去本地百貨公司瀏覽shopping，而係改用了瀏覽器在同電腦上購物。呢個亦都係亞馬遜（Amazon）股價由年初的唔夠300美元，愈升愈有，昨日再升上歷史新高?673.25美元，而梅西百貨股價卻跌番去2013年水準跌的原因。而呢個情況，並非獨獨發生在梅西百貨，而是在美國所有傳統的百貨公司。例如另一家名牌連鎖百貨服裝JC Penny’s，股價就由2012年初?高位42美元，一路跌到昨日收市?8.52元，股價唔見咗八成咁誇張！
傳統零售商基本上已經俾網上零售商打到殘。阿裡巴巴剛公佈內地今年?光棍節銷售成績表，僅半日時間，交易額已經達到630億人仔，全日做咗920億元生意，遠高過市場預期的800億。即係話，淘寶一日的生意，已經超過歐洲國家斯洛伐克去年一年的GDP總量！就算係靠零售消費食糊呀全球最大經濟體美國，2014年感恩節購物季，其中包括感恩節、黑色星期五、感恩節週末和網路星期一等五天在內的網路成交額，亦只有65.6億美元，約人民幣417億，連今年光棍節的一半都未夠。連李克強總理對淘寶的創舉同?到?成績，用電話表示祝賀和鼓勵。
淘寶銷情咁勁，電商消費對於產業鏈上的帶動，電商領域固然直接受惠，例如蘇寧為咗應付剛過去?光棍節，就與國內數十家家電巨頭簽咗350億元?大單，網上購物蓬勃，更會帶動物流、移動支付、網路安全等多個細分產業的發展，為市場帶來更多商機，可以講係以一髮牽動全身。
陸羽仁
回應(0) 我想回應
陸羽仁 BLOG 舊文
