恐襲殺唔死股市？
2015/11/17 08:37:46
網誌分類: 經濟
法國遭到恐襲，傷亡幾百人，全球震驚。不過，消息對金融市場的影響卻唔係預期咁大。受襲的主角，法國股市亦只係於朝早震一震，下午已經收復所有失地，基本平手離場，而德國股收市仲有些少進賬。美股表現就更勁啦，雖然出爐的製造
業數字唔多靚仔，11月紐約製造業指數從10月份的負11.4微量回升至負10.7，但仍遠差過市場預期的負6.5，已經係連續第四個月出現萎縮情況，美股朝早跟住歐股跌一跌，好快就見底回升，之後一路向上，結束三日以來?跌勢。杜指漲238點，收報17483點，漲幅1.4%；標普500指數升30點，收報2053點，漲幅1.5%；納指升57點至4985點，漲幅為1.2%。除了納指外，其餘兩大指數都贏凸上週五的跌幅。
點解歐美股市對於恐襲不為所動呢？有紐約著名交易員解釋，市場冇明顯恐慌（股票恐懼指標VIX指數甚至不升反而大跌一成至18.16）的原因有幾個，第一係歐美股市已經相當之超賣，上星期就罕有地大跌了超過3%，特別係能源股及零售股，更係跌到四腳朝天，而恐襲主要受害者歐洲，股市朝早跌咗1%已經反彈，美股跟進，令到唔少喺上周已經摣咗短倉的投資者急急平倉；其次係恐怖襲擊對經濟影響其實比好多人所預期?細，據過往的經驗，恐襲只會使消費者延後消費，而不會令其放棄甚或減少消費，所以對經濟的長期影響不大。
第三個原因係恐襲反而令到市場對歐洲央行加碼刺激經濟升溫。事實上，在法國遭到恐襲的前一天，歐央行行長德拉吉（Mario Draghi）已經暗示會將即將結束的1.1萬億歐羅的QE措施，延續至2016年秋季以後。德拉吉甚至補充，會加大每月的買債規模以及增加可以買入的債券種類。在會有更多水泵入市場的預期下，大市又好難跌得落去。第四個理由雖然會讓人有點不舒服，但卻又係事實。就係時至今日，隨著恐怖襲擊已經係無日無之（事實上，巴黎的恐襲也不是單一事件，在不久之前，斯蘭國(ISIS)已承認在埃及炸毀俄羅斯一架客機，以及黎巴嫩的真主黨鄰近地區的炸彈襲擊），市場的情緒已經變得有點麻木。大家只要睇睇巴黎的艾菲爾鐵塔幾咁快就重開，生活幾咁快就回復正常，就可見一斑。
美股除咗此前跌得多，昨日反彈之外，油價回升，推動能源股造好，亦係頂高大市的原因。普氏能源資訊(Platts) 昨日發佈石油出口國組織（OPEC）及石油行業官員及分析師的調查結果，顯示由於沙特和伊拉克的產量減少，OPEC於10月的原油日產量較上月下降12萬桶至3108萬桶，係連續第三個月產量下降。另外，市場預期美國與法國將加強對伊斯蘭國的軍事行動，不確定性因素與地緣政治風險推動油價反彈。美國原油期貨昨日反彈2.5%至每桶41.87美元，能源股昨日亦大幅反彈3.3%。
不過有分析指出，油價只會短暫反彈，未來形勢仍然相當不妙。普氏能源資訊高級通訊員Margaret McQuaile表示，OPEC產量雖然連續三個月下降，但不要以為預示著該集團在下月部長會議上將會調整現有的市場份額策略。可能性係「十分微小」。另外，投行Stifel研究分析師Michael Scialla亦稱，西方世界空襲ISIS這事件，很難確定將在長期內對油價造成什麼樣的切實影響。因為ISIS每日出售2萬桶原油，即使毀滅咗所有石油生產設施，對全球的石油供應的影響其實微不足道。原油價格其實係跌得多，所以借勢反彈而已，油價上星期就更跌8%，跌得多，反彈一下，好正常也。巴黎恐襲事件不會原油供應，反而會損害原油需求，令到油價繼續下滑，因為旅客，特別係去歐洲?遊肯定會因為恐襲而減少，航空業將受到打擊，而航空業係是原油需求大戶。昨日，週一歐股的航空與旅遊就係表現最差?兩大板塊，其中法航荷航公司股價一度大跌5.6%。美國?Carnival及達美航空(Delta Air Lines) 亦受到影響，其中達美逆市跌2.2%。
陸羽仁
回應(7) 我想回應
陸羽仁 BLOG 舊文
