女神tea time：大媽喪屍舞概念股
■家陣北京霧霾已經嚴重到極點。 資料圖片
GODIVA之前推買一送一優惠，令大批市民搶。香港人會為慳22.5元排兩粒鐘隊；會為日日用嘅WhatsApp收1蚊美金，而破口大罵；但係名牌袋、名牌煲，就算減完價仍要近萬元都會走去搶。
到底香港人核心價值，係咪唔理花幾多時間，件嘢值唔值，只要「抵買」、「平咗」都要掃貨？
呢個邏輯如果拎去買雪糕，本人係唔會嘅；反而會套落去買股。今日推介一隻「抵買」嘅霧霾概念股——京能潔能（579）。大家都知北京霧霾家陣嚴重到極點，更已發出三年來首個嚴重汙染紅色預警。武警要戴口罩執勤，大媽係就係照跳廣場舞，不過喺大霧濃罩下，就似跳喪屍舞。國務院於上個星期，決定2020年前，燃煤電廠全面實施超低排放和節能改造，東部、中部地區提前至2017年和2018年。此次政策加大了超潔淨排放的適用區域，並顯著提早咗達標時間。
要知道強國股炒法係，嗰期發生乜事就炒乜股。京能潔能市盈率僅得12倍，一個字，平！更重要係公司業績強勁，上季盈利增長七成至14.2億元人仔，更勁係，單係第三季盈利，已多過今年上半年盈利46%！第四季唔使睇都知，全年業績一定好有睇頭。股價橫行多時，係時候買入靜待爆上。
Fifi
http://www.facebook.com/lovefrystock
本欄逢周二、四刊出
Fifi
女神tea time - Fifi 舊文
來源 source: http://hk.apple.nextmedia.com
