中環在線：閂淘寶 馬雲彈弓口
話要消滅假貨 又話閂咗冇用
■馬雲話假貨問題唔只係阿里嘅問題，而係中國下一代嘅事情。 設計圖片及對白 
阿里巴巴主席馬雲面對打擊假貨問題，噚日再度語出驚人，佢話如果閂咗淘寶就冇假貨，佢即刻閂，不過閂
咗冇用，咁即係唔閂喇。馬雲呢番話拍得住梁振英日前嗰個I can fly one day爛gag，聽到大家一樣O曬嘴。
馬雲講過：「如果（淘寶）有假貨，每天銷售額能有六、七十億？」但自從舊年工商總局推出「白皮書」，直指阿里賣假貨，佢都有少少收斂，承認有假貨，會打假，但講到係社會嘅錯咁。
馬雲日前喺「阿里巴巴治假團隊誓師」發表演說，話自己從1999年公司成立開始，冇缺席過集團層面任何有關打假、知識產權嘅會議雲雲。
佢承認阿里平台有假貨，跟住話鋒一轉，指「假貨不是阿里巴巴的事情，假貨今天是中國的事情，是我們下一代的事情」，更說：「今天消滅阿里巴巴容易，消滅假貨難。如果把天貓關了，把淘寶關了，中國從此無假貨，那麼簡單的事我們馬上就關。問題是關了沒用。」
讓假貨不跑到微信京東
佢提出「淘寶就是中國製造的鏡子」，甚至將問題推埋行家度，「要讓假貨沒本事跑到微信、跑到京東，才是真正負責任」。講來講去，都係想話唔只阿里要打假，其他行家都有假要打啫。
其實根本就係制度問題，做淘寶賣家實在太容易。如果制度不改，再多人打假，阿里平台假貨永遠都存在。
李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文
來源 source: http://hk.apple.nextmedia.com
