智取大市：港股反彈兩大因
港股單日升勢已收復過去13個交易日弱勢期間嘅陰陽燭，加上成交增（雖然唔多），兼恒指升勢一下子由低位，一鼓作氣升至突破保歷加通道中軸，純以技術分析角度，強勢已值得尊重。難得市場氣氛仍偏向審慎，港股購買力遠未耗盡下，期望可繼續彈。
從周線圖觀察，恒指連續3周陰燭
後，上周重現陽燭，本周如無意外可再收陽燭。觀乎過往短期升浪較保守都可持續4周，過埋這周，仲有條件大漲小回至少兩周，可當此期間蜜月期，有強勢股揸手，即管繼續揸。
動力係乜，第一，港股估值已反映極悲觀情況，由好悲觀變為幾悲觀，唔駛多，夠升到去22000點，其實唔難。
第二，美股可能破頂。踏入第二季，出奇地所有主要指數接近歷史高位水平，但投資者情緒仍比較悲觀；通常喺指數高位，投資者係亢奮先啱，前幾日竟然仲係悲觀，前排連股神畢菲特都唔覺得美股貴，反映購買力未耗盡，破頂機會高過見頂。
選股方面，唔使太複雜，近期推介過嘅騰訊（700）、舜宇（2382）已經準備爆邊，期望可以蔓延至次線嘅科網手機股，坐住等運到。
晉佳
http://www.facebook.com/advanceguy1
晉佳
智取大市 - 晉佳 舊文
來源 source: http://hk.apple.nextmedia.com
