財女手筆：
中國人唔關心脫歐
■世界上只有一種人完全「闊佬懶理」英國脫歐，就係中國人！ 資料圖片
隨著英國脫歐公投日近，英國脫歐新聞洗曬版，全球所有人都無比關心，連「香港之主」李嘉誠昨日朝早都出嚟講兩句，誠哥歐洲收入佔超過一半，佢當然唔想英國脫歐。連香港首富都關注脫歐走勢，在
呢個世界上，只有一種人完全「闊佬懶理」英國脫歐，就係中、國、人！
日圓受公投連累急跌，影響出口表現；美國國債息率狂跌，越低越多人買，債券市場已見泡沫；歐洲各國驚被英國拋棄，經濟、政治隨時一鑊泡。然而，我相信，只有中國人認為，英國即使脫唔脫歐都無所謂，因為英國生活質素並不會因為脫歐而改變。
中國人賺錢至上，內地生活質素點都少理，點會關心英國生活質素？大錯特錯，只要英國一日不變，中國人先可以繼續投資英國樓！
有外國地產商話，中國人對英國樓的需求，沿自於教育，50%至70%顧客都要求買倫敦及伯明翰樓，因為鄰近校區，先可以送子女留洋放學！買樓屬長遠投資，小朋友「自小投英」，由小學讀到中學、大學、再讀埋master，最好有埋居留權，所以中國人對脫歐完全唔擔心，對中國生活質素不關心，不過好關心英國，因為係最終居留地。
Melody
本欄逢周三刊出
Melody
財女手筆 - Melody 舊文
來源 source: http://hk.apple.nextmedia.com
