中環迷你裙：
超人也騎牆的啟示
■聽嚇誠哥個句：「希望英國唔可以脫歐，（如脫歐）亦都唔係末日。」 資料圖片
熟悉Samantha的，都知我係個茶餐廳狂迷，超過一星期食唔到早餐或常餐會抑鬱，對奶茶和沙嗲牛麵也會異常執著，每次行入一家有水準的茶記，坐下來與夥計和附近食客拋一
個了然的眼神，這是識英雄重英雄的感覺，Sam相信食肆與食客之間其實是互動關係，一間怎樣的食肆，就聚集一班臭味相投的食客。
電視台如是，將軍澳大台客仔係班師奶，節目質素就返班家庭主婦最正常不過，所以《琅琊榜》唔係拍得差，只係要這班煮開泰國米的師奶叫她煮risotto，係難為了家嫂，大陸稱呢個現象為「唔接地氣」。
殼股近年在港有價有市，殼股最有爆發力，亦最啱想盡快趙完鬆的股民口味，大陸水想繞道來港借殼抽水，散戶奮力發掘潛力殼，想在賣殼前從中抽一浸水先，暴升暴跌循環不息，最終中港近期出招打擊啤殼和炒殼，殼股產業鏈走到盡頭。大家最想問的問題是，殼股以外，港股能否締造下個具魅力的故事呢？但願下個故事不會太遲來，因為太多人靠股市揾食。
家陣在港股落注好冇？咁聽嚇誠哥個句：「希望英國唔可以脫歐，（如脫歐）亦都唔係末日。」超人都要買兩邊，你話幾得人驚，最安全的做法當然是乜都唔好做。買賣兩閒，只有收息股有運行，數碼通（315）中期純利倒退14%，仍派息比率有增無減，股價昨創今年新高，仍有逾4厘息，值得留意。
Samantha
http://fb.com/stocksamantha
本欄逢周三刊出
Samantha
中環迷你裙 - Samantha 舊文
來源 source: http://hk.apple.nextmedia.com
