婆婆會買的股票
2016/08/04 09:26:28
網誌分類: 經濟
油價顯著反彈，能源股造好，帶動周三美股先跌後升，杜指結束6連跌，收市微升41點，報18355點，升幅0.2%；標普500指數升7點，收報2164點，升幅0.3%。
美國能源訊息署（EIA）昨日表示，上周原油庫存升140
萬桶，而汽油庫存則回落。紐約9月期油收昨日重上40美元樓上，收市升3.3%至40.83美元。
有分析指出，市場對於石油市場的問題，低乎比較著眼於供應方面，而控制供應總比需求方面容易，所以油價仍然頂得住。市場見到庫存無想像中加得咁多，油價又有番些少支持。
但我覺得油價只是跌得多反彈而已，隨著委內瑞拉、利比亞及加拿大等國此前受到火災及恐怖襲擊破壞了的產油設施逐潮回復正常，產量將逐步增多，令油價進一步受壓，問題只是會否跌返去今年2月時的低位，畢竟油價之前之所以反彈，並唔係需求改善所致，還是因為供應受到破壞。
至於美企盈利方面，時代華納收市前公布報業績，好過市場預期，收市升2.5%。至目前為止，美企第二季的業績表現一如市場預期，尚算唔錯，不過，有分析指警告，英國脫歐對美企盈利究竟有多大的影響，現時應該仍未全面體現，不過，已經有企業發布負面的盈利預期，反應她們對未來唔係咁樂觀。
美國經濟得唔得，一定程度上可以藉勞動市場狀況睇到，這也是市場比較關注今周五公布的7月非農就業報告結果。
昨日公布的7月ADP私人部門職位增長有17.9萬個，略高過市場預期的17萬，而6月數字亦向上調高4000至17.6萬個。不過，比較美中不足的是增長有點失衡，服務業有18.5萬個，而商品生產部門及建造業分別減少了6000個。睇ADP的數字，估計7月非農就業增長人數唔會好似5月份咁樣少得嚇死人。
股市雖然近期略為回調，但同債市一樣，仍然都處於高位，好似樣樣都買唔落手。O"Shares Investments主席Kevin O"Leary 昨日教投資者揀股，值得參考。佢話股息無疑係投資的奶水，大家都追高息股，不過，又唔可以到某隻股票派高息就撲去買，因為如果一家公司利用負債去維持股息的增長，例如公用股，就唔好去買啦，因為已經好貴。而公司有充足現金流，用以派息，這些股份才可以考慮。
O"Leary建議選擇在美國市場營運的歐洲公司，例如葛蘭素史克（GlaxoSmithKline）、羅氏藥廠（Roche）、雀巢公司等等，這些歐洲公司股價依家因家歐洲經濟唔得，已經有一定的折讓，另外，她們的銷售，有超過一半來自其他市場，而她們的生產力比容易提高的同時，削減成本也比較容易。
呢啲股手上有現金流可派息。他又稱，標普500公司在過去40年的總回報，股息就佔了71%。佢話美股曾經出現過「唔派股息的股票，連婆婆都唔會買」的日子，而佢好期待美股能夠重現這種的日子，買現金多的股票收息，畢竟係好事一件。
陸羽仁
回應(0) 我想回應
陸羽仁 BLOG 舊文
來源 source: http://blogcity.me
