【不問價追】過咗海就神仙（小炒王梁心欣）（第92期）
2016-10-2 18:00:41
好多人問：「大市上到24,000點，點解小炒王咁耐冇寫不問價追系列呢？」原因好簡單，一嚟冇大目標（凱升（00102.HK）未落筆已經爆升），二嚟就係擔心第四季大市有多重隱憂，咁當然
我嘅樂觀情緒仲未減退，依然認為2017年絕對有機會搵真銀，不過，時機未來之前，儲起現金實屬重要，識得避都係股市中的金科玉律。
對10月2份嘅憂慮都唔只講過一次，今次要提一提意大利公投。呢段時間大家只係關心美國總統大選最終花落誰家，更擔心特朗普會成為美國總統，從而針對中國，引發金融市場動盪。呢個擔憂，市場講過千次萬次，我唔係政治專家，不在此陳述，但千祈唔好忘記仲有意大利。
意大利公投可以話係今年歐洲政壇最大嘅風險，殺傷力唔會差過英國脫鈎公投，原因係公投結果隨時同執政黨預期嘅做個相反。意大利經濟差大家都知，作為歐元區第三大經濟體，經濟根本沒有增長，銀行業崩壞，失業率高企，社會問題多，意大利總理倫齊的地位其實不見得比貝盧斯科尼好。意大利經濟有冇得救，好睇德國總理默克爾嘅意見，點知8月份德、法、意三頭會面，默克爾擺明唔撐意大利，倫齊今次真係自求多福。佢搞咗個為憲政改革的公投，改革方案後，意大利上議院人數和權限將會大大縮水，佢意圖增加政府權利，增強意大利政治的穩定性。
公投時間定在10月份，不過根據倫齊最新表態，將會推遲至11月中至12月5號之間舉行。大家留意，今次並唔係公投決定留歐定脫歐，但最終結果就同係咪留在歐盟息息相關。你知啦，歐洲人喜歡一拖再拖，拖完都未解決到問題，股市最討厭就係不確定性，所以嚟緊呢排大家都要睇實意大利一舉一動。
又好難怪德國咁自私唔保住意大利，因為自己都搞唔掂。德國雜誌《Focus》消息指，默克爾已經排除救助德意志銀行嘅可能性，同時拒絕插手德銀按揭相關證券業務(呢鋪被美國司法部要求罰款140億美元）。默克爾的狠會唔會搞到再一次金融危機，難以預料。再加上，人民幣將會被納入SDR，人民幣匯價動盪相信少不免，押注人民幣資產的朋友要睇實，話時話，咁多嘢睇唔通，不如睇通啲先至落注啦！
不問價追 - 小炒王梁心欣 舊文
來源 source: http://www.winmoney.hk
