【實力取勝】濠賭追落後要睇實金沙（陳承龍）（第92期）
2016-10-2 18:00:44
小弟實在不得不讚《港股策略王》一眾手足有前瞻性，早在61期大半年前就大膽以「濠賭股買得」為封面，成為全港第一間傳媒機構預先睇好整個濠賭行業。當時正值澳門經濟低潮，內地客大減，博彩數據也
越來越失色，所有人都一致睇淡。如果當時你有幸買了那期《策略王》，然後開始儲貨買濠賭股。恭喜你，你今年回報已經跑贏不少基金基理。
特別再提一提這個往事，並不是為了認叻。因為市場的睇法通常都係盲目跟風，隨波逐流，好似濠賭板塊咁，見跌吹淡，見升吹好；然而，策略王的分析係穩紮穩打，我們這個團隊只會相信科學、客觀的分析，所以我們才會力排眾議，押注濠賭股。現在相信讀者朋友開始有意追落後，小弟覺得金沙（01928.HK）絕對值博。
濠賭這個板塊增長不在其博彩收入，反而在於其非博彩收入，例如旅客假期消費、世界性知名賽事和活動等。因此，每當有新項目、新酒店落成，都會成為炒作焦點。小弟今次會睇上金沙的原因是因為巴黎人開幕，所以勢必爆炒。同時，正如小弟所講，濠賭板塊已經完成調整，低潮已過，未來就是一條新的康莊大道。再者，濠賭又食正十一黃金周概念，不少內地客一定會湧去金沙新開幕的巴黎人，始終有新鮮感嘛，新落成一定好生意。小弟亦都預期，因為之前基數太低，加上又有黃金周效應，所以下一輪的博彩數據一定會令投資喜出望外，遠勝市場預期。
就連一直睇淡濠賭股的外資大行，上周五亦因應時勢跪低轉呔看好。滙豐報告指巴黎人主題清晰明確，主攻中場客，商場內餐飲及零售部分多元化，有助延長旅客逗留時間，認為是個必到景點。此外，連接金沙旗下賭場及度假酒店的接駁巴士，將有助提升新賭場人流量。因此金沙的確係成個濠賭板塊的滄海遺珠。
小弟上一個星期完了手上的工作，也馬上去了金沙新落成的巴黎人，也有開facebook live向大家直擊，幫金沙這隻股票做實地考察。不單旅客人數眾多，就算入夜在上環碼頭，都仲係人山人海輪住搭船去澳門玩。除了小弟自己之外，身邊都有不少朋友去捧場，所以小弟睇金沙係睇高一線。
實力取勝 - 陳承龍 舊文
來源 source: http://www.winmoney.hk
