【知魚之樂】車仔利記概念股（唐牛）（NOV 8）
2016-11-7 17:48:45
雖然唔係利物浦球迷，但周日晚紅軍狂數屈福特嘅英超賽事，實在令人嘆為觀止。今季有修咸頓翼鋒沙迪奧文尼加盟，配合上力嘅森巴兵古天奴及費明奴，one touch走位、水銀瀉地嘅攻勢，唔講以為自己睇緊
地上最強嘅巴塞，當然居功至偉嘅還有領隊高普，成功將利記打造成一支體力化及高效率嘅球隊，呢個隱形第十二人，先至最勁。同樣讓人耳目一新嘅還有車路士，新領隊幹地接手後轉打3-4-3，球隊重新適應後即刻生猛，而家頭七隊最多只差距8分，往後劇情應好睇過戲了！
「財經專欄呀！講咁多波想點？」近排入市意慾去到新低，唯有賭下波頂下癮，不過，利記同車仔嘅例子，在反映領軍人物嘅重要性。同一道理，易手易主後喪炒比比皆是，今日再講講早前推介嘅長盈集團（00689.HK），連續三棍衝上，究竟所謂何事？最新通告顯示，每股0.168元現金要約於上周三截止，最終獲28.58%股本接納，如此一來，要約方即新主孫粗洪持股將增加至58.05%，擁有絕對性控權了。有趣的是，長盈股價一直較要約價高起碼兩成，但依然有大批股份接納要約，成就孫粗洪平價增持，內裡原因自己諗諗吧。
客觀事實係，孫粗洪同時已成為公司主席兼執行董事，大展拳腳味道甚濃，公司最新市值只得10億銀，炒作憧憬無限大，坐住貨底再短炒降低成本準沒錯！
#知魚之樂 #唐牛
【只要用心，人人都可以係股神！】
https://www.facebook.com/tongcow88
知魚之樂 - 唐牛 舊文
來源 source: http://www.winmoney.hk
