魚樂無窮：財務自由三部曲
■的士哥一注獨贏買滙控，踏上財務自由之路。 資料圖片
30出頭的士哥一注獨贏買滙控（005），踏上財務自由之路，成為一時佳話，冇錯，打工仔終極目標就係炒老闆魷魚，歌仔都有得唱啦，「就係咁嘅樣，乜都唔使撈就至理想」。點樣先做到財務自由？以下三部曲你一定要知！
第
一部曲，定下目標收入。的士哥揸4萬股滙控，每月有1.3萬元股息落袋，已足夠佢日日打機上網打波，又要供樓又要養妻活兒嘅話，目標自然要遠大一些。
第二部曲，賺取第一桶金。憑被動收入生活，說穿了即係錢搵錢，靠死慳死抵好靠投資好，如何搵到第一桶金，係財務自由最重要嘅一步。
第三部曲，尋找投資目標。有了目標收入，有了第一桶金，如何體現財務自由好呢？靠買樓收租？靠買債收息？靠買股財息兼收？大家因人而異，不同時間亦有不同策略，但能夠嚟到呢步，你已經贏在起跑線。
第一部曲嘅作用，係令大家更有動力，第三部曲就係實踐篇，要學唔難，講到尾，最難都係第二部曲，點樣先可以做到？本欄之前畀曬貼士你喇喎！唔記得？嗱嗱聲上facebook睇番啦！
唐牛
http://www.fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com
