魚樂無窮：英皇超新星誕生
■有楊受成及謝霆鋒坐鎮，漢傳媒憧憬空間大增。 資料圖片
漢傳媒（491）去年底向英皇系老闆楊受成發行10億股新股，每股作價0.19元，相當於擴大後已發行股本31.12%，搖身一變成為大股東，並同時提出有條件現金要約，要約價0.215元；要約期於上月底結束，最終
只得0.06%（約190萬股）接納，由於要約條件（持有超過五成股權）未能達成，要約宣佈失效。
雖然只得三成股權轉手，但漢傳媒的變身大計卻未有停下來，今年3月底，即楊受成完成入股漢傳媒後一星期，集團即委任英皇系執董範敏嫦及黃志輝等入board，其後又宣佈易名為英皇文化產業，更將公司總部改為灣仔英皇集團中心。
事實上，英皇系上市公司之中，有地產有酒店有證券有珠寶，卻獨欠娛樂文化，今次漢傳媒升呢，可謂事在必行。
謝霆鋒2014年底入主漢傳媒後，業績一直未見改善，如今有情同父子的楊受成坐鎮，一加一威力肯定不止二，再講，英皇系公司市值全部講緊幾十億，漢傳媒最新卻只得奀豬9億銀，絕對不成正比。現價只得大時代時的兩成，憧憬空間卻大到得人驚，本月中將會決議改名，手快有手慢冇呀！
唐牛
http://www.fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com
