誠意
相：李嘉誠基金會
轉數兩個字，講就易，今時今日真係有轉數嘅人，唔好話香港地，就連中環呢個所謂匯聚 crème de la crème 嘅地方，都真係冇乜幾多個人。
一個客講一句嘢，你聽完，我聽完，最後你定我攞到單生意？答案肯定係，可以 filter 到佢講嗰句嘢嘅重點，再繼而準確地
interpret 到佢講呢句嘢嘅出發點，最後正確地 respond to 佢講呢句嘢嘅焦點，就係攞到呢單生意嘅人，which in many cases，就係小弟我。
其他唔敢認叻，但講到觀察力呢家嘢，作為有機會是全中環最靚仔嘅 private banker，我認咗第二，我老闆都未必敢認第一。你 miss 咗個 client 喺電光火石間嗰一秒鐘嘅反應，已經足以讓你斷送一單生意。
廣告
今天超人在汕頭大學致辭，其後在新聞稿寫出致辭的撮要，再奉上五大張照片給傳媒參考。我諗十個有九個記者都覺得呢單新聞唔係新聞，咪又係勉勵一下年青人要點做點做，分享嚇做人道理咁囉。咁當然，話曬都有誠哥喺裏面，點都會報導嚇嘅。
新聞稿的標題是：李嘉誠勉勵學生把 to do 變成 to be，成為願力一族，不做愚人。
廣告
這是誠哥同意的新聞稿標題，但不是誠哥出新聞稿的用心。
從這則新聞稿，有幾多人看得出誠哥真正的心思？
重點在那五張照片內。
第一張照片，是誠哥與莫言教授的合照。出呢張相，係禮貌。
第二張照片，係超級大合照，每個人樣都睇唔清楚。出呢張相，係交差。
第三至第五張相，先係重點。
三張相都是超人和小小超的合照。
去到誠哥 level，不賺錢的事和賺錢的事同樣重要，而教育這一塊，對他老人家來說更是比長和系更重要的重中之重。賺錢的事要做得好，對生意人來說，太易；不為賺錢的事要做得好，對他們來說才是一個真正的挑戰。幾張照片，道盡誠哥的心思：誠哥決定要把這項重大的任務，教給二仔負責。
從照片可以看見，超人穿西褲，小小超穿牛仔褲；超人雖然矮過小小超，但條褲幽得仲高過個仔條腰，後面有山有水，兩父子談得好不溫馨。呢位攝影師哥哥，應該重重有賞，因為他捕捉了這兩父子之間的愛，而這也是超人要表達的訊息：I have always loved this son，as much as he has always respected me。
兩個仔都有其長處，但為什麼要選小小超處理汕頭大學？
教育這一塊，需要很多 soft skills，是一項高度著重體面和熱情的任務，不單要把各單位連成一線，還要做到眾志成成。要做到咁，你唔只要搵一個識得用錢嘅人，仲要搵一個捨得用錢嘅人。
你見過呢兩位公子著嘅西裝，就會大概明白我講緊乜嘢。
來源 source: http://thestandnews.com
生活 - 葉朗程 舊文
