【股場解密】奇股炒起 金活買盤未必持久（歐陽風）（FEB 28）
2018-2-28 9:42:14
近日一隻奇股突然炒高，此奇股為金活醫藥（01110.HK），周一因市傳其代理產品在美國銷量急增，股價一度炒高60%，然而買盤後繼無力，收市升幅大為收窄。昨日又有炒盤將股價推高
欲炒第二轉，惟也是高開低收。
據報道，港產「京都念慈菴川貝枇杷膏」近期在美國紐約熱炒，《華爾街日報》報導，有患者吃一劑見效，服用15分鐘後即止咳，以致在當地遭炒貴10倍，曾有網上店賣70美元（約548港元），比本港售價貴10倍。京都念慈菴川貝枇杷膏分銷商金活醫藥因此成為炒家目標。
筆者目測超市及便利店的京都念慈菴川貝枇杷膏貨架仍有大量供應，也未見漲價。作為此產品的用家，筆者雖然認同係有效，但又不致於神效到可以15分鐘止咳；而且飲完有效一小時頂多，好快又會咳過，不過作為短暫止咳產品而已。
只能夠講，香港人真係唔知美國事，正如上次美國總統大選，大部份港人、評論者完全唔知美國咁多人投特朗普，就算幾多醜聞、形象幾咁惡劣都係贏。
講返金活，去年6月底止中期業績，期內錄得純利2213.7萬元（人民幣，下同），按年升10.05%；毛利率約為29.2%，下跌3.5個百分點；每股盈利3.56分；不派中期息。此股現價1.52元，市值約9.4億，往績PE15倍，但幾乎無證券分析員COVER，沒有預測PE。作為代理商，其實金活可以加價幾多呢？可惜無京都念慈菴生產商股票可買，否則原廠商其實賺得更多。
股場解密 - 歐陽風 舊文
來源 source: http://www.winmoney.hk
