國策透視 - 習進錢/黃尹華 2018年2月6日
國策透視：北水焗住買港股
■內地近期有大量新的港股通基金成立，北水焗買港股。資料圖片
周一開市大跌市，隨即北水瘋狂湧入，港股通全日淨流入逾102億元，令恒指低位反彈500餘點。外圍風頭火勢，但北水逢低必買，好似港股有金執咁，其中一個重要原因是，內地近期有大量新的港股通基金成立，要焗買港股。
基金要等年結、半年結，買單計數起碼要等幾個月後，在這一刻最重要係買咗先講。業內稱為「剛性配置」，總之一味買買買，輸贏唔緊要，否則會執輸！
據內地券商光大海外報告，截止今年1月31日，內地滬港深基金共計161隻，近期港股通基金發行速度不斷加快。2017年四季度有23隻新基金成立，是2017年內成立最多的一個季度。2018年內，港股通基金的成立速度進一步加快，一個月內新發和募集中基金的數量已達到32隻，是港股通開通以來成立速度最快的時期。截至2018年1月31日，滬港深主題基金總規模增加至1,611億元（人民幣，下同），較2017年低三季末增加了870億元。
按內地規定，所有股票基金都可通過港股通買港股，但如基金名有「滬港深」或「港股通」字眼，投資港股比例不能低過80%，以免誤導投資者。基金一成立就要買貨，內地對基金持現金比例有硬性要求，唔買港股都唔得！
黃尹華
http://fb.com/decodepolicy
本欄逢周二、四刊出
黃尹華
國策透視 - 習進錢/黃尹華 舊文
來源 source: http://hk.finance.appledaily.com
