智取大市：超人做不到的事
■超人由當年行街仔到香港首富，完美展示人類賺錢能力嘅極限。 資料圖片
超人值得世人學習嘅事情太多，但亦非能人所不能。佢最初做行街仔火速爆數、擁有大心臟超高槓桿去做第一盤塑膠廠生意、眼光準確地投入地產市場、奮勇喺動盪局面大手撈地、完成擊退英資呢個不可能任務、喺
科網高位叫人幫佢接貨等佢賺千幾億當人家大企業係傻仔、成為中國最高領導人嘅親密戰友、連環買入西方國家嘅命脈業務，超人大概完美展示人類賺錢能力嘅極限。
講到用人之道，要喺茫茫人海之中搵到叻嘅人幫自己打天下，超人都做得到；但要將上天選中的人複製成為最叻嘅人，Sorry，偏偏難倒世上獨一無二的超人了。
恒指2月大跌市後，形成三角形待變狀態。回顧07年11月港股直通車胎死腹中，12月熊一期間同樣呈三角形，豈不是𠵱家形勢同08年金融海嘯前相似？
NO，喺07年12月，恒指第一浸大跌後形成下跌三角形，反彈高位一浪低於一浪，支持位呈水平線，反彈逐步減弱，最終喺08年初守唔住支持而大跌。近期相反係呈上升三角形，支持位一直向上，阻力位呈水平線，買需一路增加，有向上突破阻力位嘅趨勢。近日市場情緒偏審慎、投資者持貨唔算太多，反映有潛在購買力，暫不用太悲觀。
晉佳
http://fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.finance.appledaily.com
