【水能覆舟】莫莉遊戲與公司形象和公關傷害（渾水）
【水能覆舟】莫莉遊戲與公司形象和公關傷害（渾水）更多
因為我間中會跟朋友打cash game poker，所以我對電影《莫莉遊戲》產生了興趣，尤其是這位莫莉搞Poker局可以搞到疑似勾結荷里活巨星、俄國黑幫，好似好正咁。現實中，疑似參與牌
局的人包括荷里活出名Poker技術不差的蜘蛛俠Tobias Vincent Maguire、蝙蝠俠Ben Affleck 和Leonardo DiCaprio等。由於蜘蛛俠師承Daniel Negreanu，所以佢應該係打開「小球戰術」，剛好我也是小球戰術的玩家。好啦，不是想講撲克，入主題吧。
雖然行普通法地區口頭上會提倡無罪假定或寧縱勿枉等精神，但執法機構凍結了莫莉的財產和若幹公民權利，令到佢搵律師都吃力，同時又抹黑佢，用意係逼佢合作，逼佢認罪。
我有一位朋友，曾比雪糕佬盯上了，未定罪但被刻意揚到全世界都知。結果，他成為行內的麻瘋病人，人人敬而遠之，實業生意受到影響。我都算係義氣仔女，雖然只是淺交，但那段日子會間中搵佢飲下酒，當開解又好，吹水聯誼都好。現在雖然無交收，但至少有八卦會交流下，搵佢食飯佢唔會推我啦。當銀行知佢出事後，本來佢借了幾百萬稅貸，卻一下子要佢全數清還，仲要罰埋早還利息和手續貨，那管佢銀行戶口有億多的資金和股票。他氣上心頭，明明銀行主動call loan仲好意思罰埋早還錢手續費。後來水落石出，才知是誤會，他並沒有被起訴，但既定傷害已造成。他名譽受損，實業被影響，也短暫要應付流動性問題，身形也清減了。
上市公司對呢類突發事特別敏感，尤其是被無故停牌或被沽空機構狙擊，因為很多時這類無妄之災，會害到公司無事都會變出事。專心做股票的公司會怕股價復牌後下跌，實業家則怕被追數。因為銀行和債權人很膚淺，他們見到新聞、見到同行講起，第一時間就係追數，結果實業流動性出問題，無事都變有事，有一些公司都是這樣被伏擊然後變了死殼。最近新聞講有公司停牌多年後，疑似可以順利復牌，無他，因為那間公司本身就是做左手交右手的帳目，無實業也不用怕什麼被追數，花功夫執幾執就得。
如果真做實業，死左n年啦，明明無事都被拖到資不抵債啦。真的公司會死，相反假的卻可以敗部復活，好心做壞事的戲碼，日日都在上映。
水能覆舟 - 渾水 舊文
來源 source: http://hk.finance.yahoo.com
