中環在線：
新都會過萬呎公園明日開放
■新地話歷奇公園同芬蘭頂尖遊樂設施設計公司合作，遊樂設施切合唔同年齡的兒童而設計。
正值暑假，家長都忙於幫仔女放電！新地（016）葵芳新都會廣場超過一萬呎嘅歷奇公園嚟緊周二（31日）正式開放，呢個公園嘅亮點係由芬蘭嘅公司設計，擺咗座6.5米高遊
樂設施，入面有條3.5米高滑梯，話係家陣香港商場戶外遊樂場最高滑梯，啱曬3至13歲嘅細路哥來放電。
公園與芬蘭設計公司合作
商場食肆商店林立，戶外露天廣場超過四萬方呎，其中樓梯位係唔少街坊打躉hea嚇嘅地方，去年底新地搞優化工程，除咗引入唔少新店，例如一田超市之外，商場好多配套都升級，喺商場露天廣場5樓嘅歷奇公園就係新增設施之一。
新地話，歷奇公園係同芬蘭頂尖遊樂設施設計公司合作，佢哋以愉快成長見稱，遊樂設施切合唔同年齡兒童，好似唔同高度及設計的滑梯，遊樂設施入面有座3.5米超高戶外遊樂場滑梯，肯定係兒童放電熱點。如果純粹商場戶外遊樂場計，係全港最高，拍得住康文署香港公園招牌長滑梯。睇番資料，香港公園滑梯高3米、長4米，約2年前先至重開。
另外，歷奇公園仲由英國引入最新設計嘅遊樂場健身運動設施，可以一邊健身、一邊手機充電。
李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文
來源 source: http://hk.finance.appledaily.com
