財路：等位買廣發博中線
■A股跌至近兩年半低位，廣發如再被質低，有博中線價值。 互聯網圖
廣發證券（1776）會喺嚟緊29號派半年度成績單，呢期成績表未必靚仔，但作為場內最有實力內券之一，加埋A股殘到咁，廣發再質，有博中線價值。
按紀錄，廣發上年完成股權融資，排名第一，IPO主承銷排名第
一，主承銷金額排名第二，喺個別瓣數，係龍頭之列。再睇A股，呢期上證指數試近2015年中港大插插近兩年半低位，又由今年高位3587計，累跌咗26%，但咁睇，A股除咗俾納入MSCI，兼會喺9月，有望納入富時新興市場指數，已經有估計，A股入富，會為A股帶嚟約3萬億元人仔資金。
又據券商統計，由4月以嚟，到呢個月頭為止，即係A股無啖好食之時，透過滬深港通北上資金累計淨流入1,612億元，睇到係，個市一邊跌，但資金冇手軟，keep住買A股，又隨住A股獲納入國際重要指數，加埋市場一路開放，A股中線係有運行，包括廣發以內內券，一樣掂檔。
廣發啱上周見9.86元，率先滬指，質穿2015年低位，創咗上市以嚟低位，場內專業預測，廣發2018年到2020年EPS1.3港元、1.47元同1.72元，三年預測PE得7.6倍、6.7倍同5.7倍，而同期專業預估PB0.72倍、0.67倍同0.62倍。
廣發上市以嚟平均PE11倍，平均PB1.4倍，預測PE同PB，比平均值平咗成半。又按彭博綜合預測，廣發2020年時預測PE，係所有內券當中至抵搞！
煲廣發，淨係當2020年預測PE，上番行家平均7.9倍，現價9.92元已經講緊要升近40%，到近14蚊。
錢雋
細價股專家
本欄逢周二刊出
錢雋
財路 - 錢雋 舊文
來源 source: http://hk.finance.appledaily.com
