中環在線：青姐為耀才風波登報道歉 - 李華華
港股不斷尋底，股民冇糊食，最好就係食花生啦。有「股壇小辣椒」之稱嘅股評人胡孟青「青姐」噚日竟然喺幾份報紙登道歉聲明，為舊年11月喺電台
節目提到耀才暗盤交易市場買賣雷蛇（1337）係假嘅呢件事道歉。唔少人將呢個道歉聲明影相廣傳，華華一早起身打開手機都收到唔少，證明青姐真係多粉絲！
事情發生後，耀才先向青姐發律師信要求道歉，青姐拒絕，耀才舊年12月就入稟要求法庭頒令，禁止青姐再發佈誹謗言論、刪除涉事節目同賠償。
事隔大半年，青姐噚日登報道歉，指當日喺節目「虛構耀才暗盤交易市場買賣雷蛇的成交是假的」，又「虛構當天有好多朋友未能進入耀才暗盤交易場交易」。佢承認上述言論喺冇真憑實據嘅情況下，向公眾發放虛假消息，以毀耀才名譽。
青姐最為人所熟知，係佢曾為滙控（005）跌到33蚊淚灑直播室，如今再添一件花生事，可惜噚日搵唔到當事人回應。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
來源 source: http://hk.finance.appledaily.com
