智取大市：加息非港樓刀手 - 晉佳
香港樓價中短期見頂大跌接近唯一可能性，就係內地樓市失控崩潰，引發骨牌效應令港樓快速下挫。 資料圖片
最優惠利率10年冇鬱過，終於加返一次，但大銀行都係「投降輸一半」地加0.125厘，而之前加息新聞大字標題，早就發曬預警。樓市需求理論上首當其衝，問題
加息只加一半幅度，樓市好友/準買家唔會驚，更加如釋重負放心去買，當然，只限於新盤。發展商短期內唔使趕出貨，亦無需好似萬科上源咁樣低價求套現。樓市轉向大跌嘅劇本，唔會因為加息而生。
上述只係短期影響，大方向仍然係樓價高企嘅效應下，部份靠樓令財富增長嘅人，仍願意加注喺樓市，就好似幫細佬畀首期買樓嘅黃小姐，加注多一層，就係活生生例子。
樓市真正嘅轉角點，絕非加息。大轉向嘅第一個可能性，係購買力耗盡所產生，辣招同壓力測試嘅出現，原本係政府想壓抑樓價上升，最終結果係令樓市上升過後，業主保持強勁持貨能力，樓價亦難快速下跌。樓價中短期見頂大跌接近唯一可能性，就係內地樓市真正失控崩潰，引發骨牌效應令港樓快速下挫。碧桂園前兩個月都收遮，三四線樓市缺棚改貸款因素因此出現下滑，而一線樓市都係弱弱哋，暫時睇未至爆煲。就咁睇嚟，港樓大跌劇本仲未形成。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
