【實力取勝】港交所憑咩值200蚊？（陳承龍）（第196期）
2018-9-27 12:00:15
雖然呢排個市彈返唔少，但小弟對後市都係悲觀，今年都係有反彈、冇大升，近期無論大、中、細股都弱，殼股更加個別發展。其實股票市場，最重要係集資能力，殼股可以集資先會值錢，但依家批股非常
之難，一來聯交所管得好嚴，二來市場真係冇乜錢，加上過去華融系、海航系嚟香港狂買殼，買到貴曬，偏離咗「市價」，呢排少咗人買殼，喺需求減少之下，自自然然就會冇咁值錢。所以，呢排嘅策略，都係逢彈就沽。不過有一點要留意，當成條街都睇到咁淡嘅時候，可能會再夾高少少嘅，今次恒指28200係一個重大阻力，即使破到都係會高少少，彈完都係要減磅。
沽嘅頭號目標，梗係港交所（00388.HK），因為個市彈完再沽過之時，成交都會偏靜，買賣兩閒之下，港交所都唔會有運行。2015年溶斷機制之後，港交所股價都落過200蚊樓下，依家憑咩值200幾蚊？至於點沽法、乜位沽、用乜工具沽，喂，梗係睇策略王直播室啦。
順帶喺呢度賣下廣告啦，10月10日舉行嘅「輪證實戰對沖策略」投資講座，有小弟、圖太郎同埋瑞信何啟聰（Ivan）傳授輪證投資心得，由於名額有限，入場費每位200港元，但只要你出示過去一年買賣輪證、牛熊證嘅紀錄，證明你係有經驗嘅輪證投資者，我哋會全數回贈入場費，係咪好so呢？詳情睇《港股策略王》雜誌廣告，或者上小弟facebook睇報名詳情啦。
實力取勝 - 陳承龍 舊文
來源 source: http://www.winmoney.hk
