冰說聰明 - 青冰 2018年11月29日
冰說聰明：女人錢最容易賺 - 青冰
卓珈控股申請轉主板，月中完成配股，睇嚟好事近。圖為卓珈主席黎姿。資料圖片 適中字型 較大字型
首先帶返個頭盔先，以免平機會來搵青冰，在男人心目中，女人的錢係最易錢，不過男人都會亂使錢的，只係香港冇乜這些概念股。在香港，女性的消費力驚人，戰友可能會即時諗到係名牌手袋及靚衫，但青冰發現最強勢的，還是美容股，現時大多轉型去做醫學美容，仲好好賺添。
今星期香港醫思醫療（2138）及必瘦站（1830）先後公佈業績，盈利分別增長五成及九成，以醫學美容計，更是前者的主業，收入增長近四成，不過就以香港市場為主，國內只是剛剛起步。必瘦站早兩星期青冰都有品題，昨午業績後創過新高，主要是香港分部表現強勁，反而中國業務收入沒增長，令人失望，管理層話係貿易戰影響消費情緒，但長遠仍非常有信心。有趣的是兩間公司都同騰訊（700）扯上關係，香港醫思醫療同騰訊旗下的企鵝醫生有合作，而必瘦站的「合作」就比較突然，在業績中披露以約377元買了8萬股騰訊，作為投資，金額唔大，但下次不如留番來派息，股東應更開心。
作為同業，奧思（1161）就較低調，以往只是報憂不報喜，有盈警沒盈喜，但既然同行姊妹盈利都增五至九成，有理由相信即將公佈的全年業績會好靚女，因為上半年盈利已接近等於去年全年，估值比上面兩位還低，有回吐不妨留意嚇。最後一提便是卓珈控股（8358），青冰向來極少沾手創仔，但這公司既是醫學美容股，主席更是昔日女神黎姿，絕對值得留意，重點係卓珈在6月1日宣佈申請轉主板，半年之期快到，月中更完成配股，似乎係為滿足主板股東人數的要求，換言之轉板已經係好事近。
貿易戰及股市唔掂影響消費情緒，青冰是認同的，但就咁睇幾間美容股的盈利增長及股價表現，結論應該係，賺女人錢最可靠啊。
青冰
http://fb.com/chingbing888
本欄逢周四刊出
冰說聰明 - 青冰 舊文
來源 source: http://hk.finance.appledaily.com
