【高山行快遞】高山行：小金庫開鎖 咪漏呢一隻！(29/11)
2018-11-29 9:27:57
大市靚靚，但仰智慧一隻582已令唔少股仔番來了，令所有小金庫亦紛紛開鎖，其中當以華融系最強，旗下華融投資（2277.HK）及華融金控（0993.HK）升到癲，另星美投
資（2366.HK）搭隻凱華(0275.HK) 亦開同一概念，所以短期就搵隻澳能建設（1183.HK）開波，呢隻半新股一度也由小金庫資金帶領上過近2元高位，依家連招股價都未返，大把空間可期！
1183總市值約14億，大股東係新濠國際（0200.HK）話事人何猷龍，現持20%股權，單係呢點已道明一切！而且，1183上市初期明確表示，期待同新濠有更多合作機會，同時亦爭取其他賭場及行業合作商機。
1183主事鋼結構工程、土木工程建設又裝修及翻新工程、高壓變電站建設及其系統安裝工程、設施管理、改造及維修工程及服務，公司定單好爆，仲手持淨現金4億銀。
澳門依家「三主三副」合共6個賭牌，將於2020年3月31日至2022年期間屆滿，現時距離到期不足一年半時間，所以好快澳門政府就會公布續牌安排，對1183帶來巨大刺激，依家連上市價1.25元都未到，極度吸引，短線先睇1.4銀，第二個位睇1.6元。
中國「十三五規劃」中，澳門定位為全球著名旅遊休閒中心，澳門特區政府推動大型基建、酒店及度假村。博彩牌照到期後需重新競投，預計澳門特區政府將於今年尾至明年初公布續牌細節。政府一直鼓勵博彩企業持續開拓非博彩業務，預期酒店及娛樂設施營運商會繼續加大投資力度，除推出更多不同類型大型酒店及娛樂設施項目外，亦會將現有酒店、娛樂場及其他娛樂場所進行升級及翻新，全部都會為1183帶來重大刺激作用。
澳門市場將迎接博彩業開放帶動經濟躍升後第二次騰飛機遇，而1183作為綜合型建築工程和高壓變電站建設及系統安裝工程公司，料將迎來龐大發展潛力加上初段曾有小金庫資金大舉介入，一入主就飛上1.93元高位，其後先跟住其他小金庫資金收兵，如今華融系帶領群雄再起，又點可以少佢一份？
高山行
高山行快遞 - 高山行 舊文
來源 source: http://www.winmoney.hk
