經濟客飯 - 曾國平 2019年1月25日

經濟客飯 - 曾國平 2019年1月25日


經濟客飯：當電視精放棄Netflix - 曾國平


科技改變娛樂，就算訂曬Netflix等幾大平台，一個月都係幾百港元，同樣一筆錢，廿年前絕對買不到如此質量的娛樂。　互聯網圖片 適中字型 較大字型

網上串流娛樂巨企Netflix最近加價，股價應聲上升。無獨有偶，我在加價前剛好取消了Netflix，不是未蔔先知，而是串流娛樂選擇太多，吾生也有涯而「視」也無涯，訂得太濫不是辦法。一個Amazon加上一個Hulu，已足夠看到天昏地暗，唯有暫時停停Netflix回一回氣。

單計近年英美劇集，幾個平台上評價好、值得追的閒閒地有三、四十套，就當我一日煲兩個鐘，都要大半年時間先追完一季。加上電影、經典劇集及英美以外的選擇，真係全職對住個電視都唔掂。弊在我又鍾意打機，新遊戲種類之多之好玩同樣令人氣咳，雖然話大學教授比較得閒，但玩遊戲始終不及買遊戲的速度。

今時今日，娛樂的選擇真係多到唔夠時間。
科技改變娛樂，其實為政府統計帶來一個難題。回到廿年前，睇劇睇戲當然沒有現在方便，要買又要借；就當你網上非法下載，網速都不及今日快。訂曬Netflix等幾大平台，一個月都係幾百港元，同樣一筆錢，廿年前絕對買不到如此質量的娛樂。除了選擇比不上，畫質、音效、特技都相差好遠好遠。即是說，相比衣食住行等其他物品，娛樂的物價其實下降了許多，只是政府統計難以及時修正，會傾向高估通脹率。

曾國平
美國維珍尼亞理工大學經濟系副教授
http://fb.com/economics3.0/
本欄逢周五刊出



經濟客飯 - 曾國平 舊文

來源 source: http://hk.finance.appledaily.com