香港經濟近月受武漢肺炎嚴重打擊，經濟接近冰封，做生意好難喺呢個時候發圍，倒不如做下善事好過。
話說新地（016）郭氏三兄弟老二郭炳江，同埋囝囝郭
基煇（Adam）近排喺疫情期間，以私人名義每月透過十幾間非牟利機構，向基層家庭、長者、有經濟困難人士同殘疾人士派1萬個福袋，入面包括口罩、搓手液等日用品，兼且派埋1.5萬個飯盒，仲要係由帝港酒店炮製。
近年走過人生最大低潮嘅郭炳江話，疫情令人心煩不安，而最好嘅良藥就係助人自助，就好似現在酒店生意大受疫情影響，佢就鼓勵酒店員工善用自己工作嘅專業，同心協力去參與今次嘅捐贈行動，從幫助有需要人士，去體現生命嘅意義。
佢仲建議大家要把握喺屋企嘅時間，多啲主動打電話畀家人同朋友，雖然日常社交要保持距離，但仍然可以好close，而Adam就喺老竇旁邊密密派物資。
李華華
mailto:LiWaWa@AppleDaily.com
中環在線 - 李華華 舊文
來源 source: http://hk.entertainment.appledaily.com
