【智取大市】樓價為何不怕疫情 - 晉佳
武漢肺炎令唔少行業水深火熱，但樓價企硬唔冧，皆因暫時有政府、銀行齊齊出招頂住個樓市。資料圖片
今年武漢肺炎，唔少行業水深火熱，唔少人要供樓，又隨時冇咗份工，咁都推唔冧樓價？暫時呢幾個月政府、銀行齊齊出招填住個氹。
1997年，樓市嘅投資需求比今時
今日大得多，一個打工仔揸住兩三層樓博升市發達，點知就形成超買，風雨來臨之際焗住斬倉，令樓市爆煲。不過，單計2008年至2018年，香港人口多咗，住私樓嘅家庭數目上升14.8%，而私人供應只升咗13.6%。換言之，喺呢10年裏面，樓價高咗，但住宅消費需求不跌反升。如果一個市場嘅投資需求多，往往會炒定預測會發生嘅事，反之，如果一件市場主要由消費需求驅動，就未必有呢種超前預期發生。
𠵱家已有樓嘅普通打工仔普遍揸一層自住樓，層樓、首期佔佢哋資產嘅大部份，如果斷供代表佢哋會一無所有，於是佢哋更唔情願沽層樓出去。如果之後武肺情況未有轉機，銀行會唔會再延長還息不還本？政府再加注補貼出糧？保就業半年最多用幾百億，而香港之前有成1.2萬億財政儲備，要對付一場one off嘅負面因素，子彈同藉口多的是，於是肺炎疫情對於普通住宅市場嚟講，變成non event。大家諗住失業率上升會成為樓價下跌嘅催化劑之際，武肺出奇地扭曲了一切。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://s.nextmedia.com
